桌上私人保溫櫃 Thanko USB 保溫櫃

    有幾多人第一次擁有房間的時候,有諗頭擁有一個私人雪櫃呢?而家就算你公司檯頭上,都有機會擁有一部。日本專出 USB 小電器的 Thanko,最近就推出了一部 USB 雪櫃,不用 3000日元。 介紹返,其實這是一部 USB保溫櫃,只有127×80×240mm左右大,可以放兩罐 330ml 飲品(如果日版長罐 500ml 就只可以放一罐),不過用得 USB 供電最多都只係 5V 2A左右,官方數據指出10至50度工程溫度活動範圍,所以要由常溫雪凍就無乜可能,只可以用作保溫保冷之用,只要在 USB 線上切換保冷或保溫。 更多詳情

2016-02-25
唔使噏住對腳 Thanko USB 乾鞋機

記唔記得之前介紹過,專為大頭蝦而設的一個乾衣衣架?日本 Thanko 這家小公司出品又的確幾貼心,新作 USB 乾鞋機就為雨天又或者「專踩水氹」的人而設。 雨天返工真係好辛苦(按:你又有邊日唔話辛苦呢?),成身濕晒仲要「噏住」對腳一整日,又唔可以返到公司開風筒吹,總之就一個字:好煩。而 Thanko 新產品正好解決這個問題,只要把乾鞋機掛在鞋舌位置,再接上任何 USB 電源即可開動,就算你對皮鞋完全入水,吹三小時已經乾了八八九九,而且就算用「尿袋」都一樣得,可以話居家、旅遊,必備良品。 日本售價:3,480日幣(約 $243 港幣) 資料來源  

大頭蝦必備 Thanko 乾衣架

有無試過有件衫明天非著不可,但又唔記得洗?如果唔記得幫小朋友洗運動衫,之後一日又要上體育堂?大頭蝦你得救喇!Thanko 乾衣架,名符其實是一個可以乾衣的衣架。 日本人的確細心又有創意,把吹風機與衣架二合為一,衣架下方設有出風口,只要把衣服掛在衣架再開動,就可以用普通風或暖風與送風兩種模式,而為免過熱,暖風模式在使用三小時後會切換至送風模式。 另外乾衣架亦可轉換為乾鞋形態,雨天都可以吹乾濕了的鞋子,可以話居家旅行,必備良品。售價 5,980 日圓(約 $388港幣)。 資訊來源