《羆食堂》|粉嶺.Bittersweet|hogar.hk

《羆食堂》|粉嶺.Bittersweet|hogar.hk 不怕神一般嘅對手,只怕豬一般嘅隊友呢句說話真係至理名言。話說今個禮拜身邊有個朋友鬧情變,本來佢叫咗個老死幫手問下個女仔身邊啲朋友有冇一線生機,點知佢個朋友竟然直接打俾個女仔問有冇轉機!唉⋯⋯好多時就係呢啲朋友好心做壞事越幫越忙,搞到天真活潑嘅佢突然間謝晒皮,所以我決定一於車佢去老遠食個靚早餐先。喺同佢去食早餐嘅車程,我從不斷播住〈Funky Town〉跟住大聲唱出:放棄他⋯⋯放棄他♪Yeah come on 放棄他♪  《羆食堂》|粉嶺.Bittersweet|hogar.hk All Day Breakfast~ 如果係心急嘅朋友,嚟呢度嘢食真係要諗清楚!All Day Breakfast 來來去去都係啲腸仔、煙肉、炒蛋、粟米、多士、烤蕃茄等等等等⋯⋯但點解我會去介紹呢間小店,因為佢好有心機每一樣都係新鮮整出嚟,上枱嘅時候重係熱辣辣,所以我覺得呢間係值得山長水遠嚟食嘅小店!佢哋杯latte亦都整得好有心機,略嫌咖啡豆唔夠香!  《羆食堂》|粉嶺.Bittersweet|hogar.hk 肥熊人話:成日都聽人呢度服務態度唔多友善。幫襯過幾次覺得佢哋係 Cool啲未去到無禮貌,但睇得出都係一啲外冷內熱工作有心嘅年輕人。去食嘢最緊要食物質素,要人笑晒口鞠晒躬唔通去咗相睇咩~   Bittersweet|粉嶺聯和墟和豐街和豐閣4號地下 .