2019-06-02
【 招牌養心麵 】 養心麵

好友趷趷剛一直都研究緊今年我哋要衝出香港,拓展業務去東南亞地區,一直十劃都未有一撇,但係嚟到今個禮拜有發展,當地同我地接洽嗰便嘅合夥人,突然間叫我地兩個一齊出發走去當地開會!走得太突然嘅話,香港嘅嘢都要留低個人處理,趷趷剛臨上機之前一晚捉咗我出去尖沙咀,飲杯嘢順便交低呢個禮拜有啲乜嘢我走去處理。但係個衰仔竟然自己喺公司附近食完「鱻」先出嚟尖沙咀,我肚空空喺 尖沙咀,冇理由唔自己食返啲嘢先至同佢傾。求求其其走咗入去呢間 養心麵 速食碗麵,先走去同個衰仔飲燒酎傾公事!