《分域碼頭》|HKAVE 2016 遊記

曾幾何時香港都曾經分別有不同的音響及影音展,不過近年就似乎只要8月的會展 Show 之外,亦沒有其他選擇。好耐無試過在專欄內寫音響嘢,既然入場睇咗 HKAVE 香港影音博覽 2016,就同大家分享下場內點滴,如果有興趣星期六日都仲可以入場。(女性寫者們請屈就一下) 眾多硬件之中,ATC 為廠方慶祝創辦人Billy Woodman 七十歲大壽的 SCM-10SE最吸引我停留最長時間的房間之一。   另一個有趣的環節,是由《Hi-Fi 音響》編輯部與寫手朋友負責播歌的「Hi Fi 音響 美樂匯」,全場當然長期客滿。   回味硬件   回味影音  

《分域碼頭》|It is time to 蟶子!

近排有點神經衰弱,hogar.hk 內的文章有錯字出現,好彩問題唔算嚴重,如果唔係出現「食好西」就好笑喇。不過真的「今天工作累了,要吃好東西」。同老死開餐前去街市睇下有乜好食,一睇到有蟶子 L 域即時 X-MEN 鐳射眼上身,今晚一於食好西。 只要你知道蟶子生活地方就知要點洗,由於不如蜆有很好的活動性,所以要花點時間洗 個人偏向喜好食蜆、貝、蟶子等食物,不過考慮到這類食物潛在的風險,所以除咗唔食咁多之外,就是從清洗方法著手,通常我都親自落手。其實洗蟶子前段工夫同其他貝類差不多,都是用水沖一下之後用緊緊蓋過的水位等蟶子吐水(水唔好過深)。之後就可以加入粗鹽,咸度跟海水差不多浸泡半小時左右,只有這個咸度蟶子才會吐泥沙,你都可以用在水中放入湯匙加快吐出泥沙。 記緊唔好太過多水同浸太耐,之後就可以開始處理,要準備的是一支小牙刷就可以開始: 首先刷殼身,之後刷殼之間的連接位置,蟶子基本上只有尾端是連接,所以是可擦到蟶子肉的背部。   之後再用牙刷輕擦肉身,只要輕擦,蟶子的肉就會同內殼分開,輕擦綠色的苔質物體就可以   最後記得清理噴水咀的位置,通常這都有一點黏膜   再睇支本來好新淨牙刷同隻手,就知點解要洗   洗好之後起肉炒同打邊爐都無問題。其實買同其他貝類一樣最緊要買新鮮,蟶子一碰就知佢生死,唔難選擇,不過如果怕麻煩功夫多,買紐西蘭蟶子可以簡化好多。

《分域碼頭》| 2017 請假放盡D

  2015 同 2016 的假期都算待打工仔不薄,有不是連住星期六、日,好簡單就有三日假期,政府憲報剛公報了 2017 年的公眾假期,其實整體都不錯,可惜的是農曆年初一及 71 回歸日都在星期六所以未有補假,五天工作的朋友就變相少兩日假期。 到底點先請假先有著數?   只要 4 月 3 日請假,就可以由 4 月 1 日放到 4 月 4 日,共 4 日假期  

《分域碼頭》 | Facebook Reatcions 你玩到未?

前日 Facebook 正式更新了按讚機制,香港區加入了勁正、哈哈、嘩、慘慘、嬲嬲,雖然對於某人而言可能是一個「災難」,不過相信包括 L 域在內的 FB 用戶而言,應該是一個非常好玩的更新。 而相信今天絕大部份 FB 用戶都已經更新到這功能,在電腦版只要滑鼠移到讚好時上方就會出現新選項,至於手機、平板就只要長按讚好就會出現。好,今日就幫大家測試一下你識唔識用這個這個新功能,就先你當然要入 hogar.hk FB 專頁 ,之後:  如果你識用呢個功能,請按「讚好」  如果你覺得 hogar.hk 都幾正的話,可以按「勁正」  你覺得 hogar.hk 都可以有進步空間,可以按「哈哈」  hogar.hk 內容都中有嘢吸引到你的話,可以按「嘩」  hogar.hk 的確麻麻地,可以按「慘慘」;  其實真係唔覺 hogar.hk 好睇,可以按「嬲嬲」; 無論你選哪一個答案都好,我都要代表 hogar.hk 團隊多謝你,起碼你睇完編文章,好與唔好都會比個回應吖,多謝你!

《分域碼頭》 | 跑唔到

今日係一年一度香港馬拉松的日子,L域有唔少朋友都係跑得之人,而且好多年年都改跑全馬半馬,相比之下只可以用半跑半行下完成 10k 的我,自然唔夠班; 計落都有一整年無認真跑過步,上年跑 10k 之後,腳掌下開始痛,最後原來是筋膜炎,明顯早上起床或坐了一段時間後,起身著地一刻會很痛,所以唯有聽治療師建議暫時停跑; 明顯原因是體重過重同買錯跑鞋所致,要可以再跑自然要先治療好筋膜炎,至於減磅?對於一個為食死肥嘢的確好難攪; 治療筋膜炎放法好多,物理治療會用超聲波、沖擊波來促進血液循環消炎,但其實如果唔嚴重可以做一點強化動作,歐錦棠曾在蘋果日報教過拉筋可以紓緩腳跟疼痛,這動作亦是不少物理治療師建議的動作; 而我就做另一個治療,先用熱水浸腳 10 分鐘,再用潤膚乳塗在腳掌後用腳輕踩小球,透過在腳底輕輕按摩刺激腳弓,用比較硬身大約網球大少的比較好,我就以這方式做了大半年,的確有幫助,如果有同樣問題的你都可以試試; 下星期開始正式踏入「年尾」,hogar.hk 團隊唔係大把錢嘅唔知富幾代,所以都係死死地氣唔可以提早收爐(笑),唯有做一系列新年專輯,以清潔及賀年食品為主題,希望大家喜歡。