Menu & Search
試玩 Electrolux Ergorapido Bed Pro Power . by 魚爸の生活

試玩 Electrolux Ergorapido Bed Pro Power . by 魚爸の生活

01
諗起兩年前,魚爸入手「大神」吸塵機,除了係去德國 Amazon 買,連運費便宜過行貨好多之外,另一樣就係部機夠方便,仲有床吸配件可用。因為當換床單時吸埋床,清理床上面塵同塵蟎,咁訓都訓得舒服啲。最近 Electrolux 出咗款新無線吸塵機 Ergorapido Bed Pro Power,賣點係魚爸好在意嘅吸床功能,仲話有 UV 燈殺菌功能,咁梗係要試試。

 


重溫 Playback


 

其實  Electrolux Ergorapido 無線吸塵機都推出了一段時間,現在發展至第七代,同樣係直立式無線設計。呢個年頭唔用無線吸塵機真係對唔住自己,方便又輕巧,充滿電已經可以吸全屋(吸多兩次都仲得)。本身官方話呢代有新改良的 Ergorapido 渦輪鋰電科技,電池使用時間最長有 45 分鐘,摩打動力可提升接近 30%,亦令吸塵機於在硬質地板上集塵量可高達 98%,加上 180 度轉向頭同唔同配件,簡單來講屋企任何位置都有唔錯的吸塵能力。魚爸就只係「係咁依」吸過地試試,吸力感覺尚可,但扒頭有 LED 燈,咁地下或暗角位灰塵更易睇到並吸走,同埋只要踩扒頭上面個制 5 秒,就可以將卷住的頭髮毛髮 cut 走並吸入集塵箱,唔需要耐不耐拆個扒頭出來清理卷實的頭髮。

 

02直立式無線設計,有新改良的 Ergorapido 渦輪鋰電科技,電池使用時間最長有 45 分鐘,摩打動力可提升接近 30%。

 

03
 扒頭有 LED 燈,咁地下或暗角位灰塵更易睇到並吸走,同埋只要踩扒頭上面個制 5 秒,就可以將卷住的頭髮毛髮 cut 走並吸入集塵箱。

 

04
充電係個「座」最好座地用,唔似「大神」咁可以掛上牆,擺位要就佢少少。

 

備UV燈邊吸床邊殺菌

當然,最重要係部機有吸床功能,只要按一下機身的分離鍵,就可以將核心部份抽出當手提吸塵機去使用,而「重中之重」就是附帶的 Bed Pro Power 電動渦輪床扒。呢個床扒可以吸走床上面的大家留下來的塵、死皮同塵蟎,尤其係塵蟎,部份人有敏感問題,個致敏原可能就係佢,所以吸走塵蟎就可以等大家訓都訓得舒服。床扒更有 UV 燈,使用時會亮起,咁吸床時就可以一併殺死床上面的細菌。魚爸梗係即刻試試佢,裝上 Bed Pro Power 電動渦輪床扒開動有藍光顯現,代表 UV 燈工作中將床面的細菌殺死。扒頭在床上面來來回回多次時,可以感覺有一定吸力,都要花少少力將個吸塵機移動(部機本身唔重)。吸一陣就有類似白色粉末於集塵盒入面,呢啲就係皮屑同塵蟎,個效果都唔錯。

 

05
這個吸塵機的「重中之重」,附帶的 Bed Pro Power 電動渦輪床扒。

 

 

06
床扒有 UV 燈,使用時會亮起,咁吸床時就可以一併殺死床上面的細菌。

 

 

07
開動有藍光顯現,代表 UV 燈工作中將床面的細菌殺死,工作嘈音亦都唔算高(大神其實都幾大聲)。

 

咁睇落 Ergorapido Bed Pro Power 都幾好,兩用仲有唔錯的吸床功能。的確係,不過魚爸對部機有挑剔的地方,就係充電係個「座」最好座地用,唔似「大神」咁可以掛上牆,擺位要就佢少少了。價錢方面同「大神」差唔多,但吸床功能 Ergorapido Bed Pro Power 就稍稍優勝,如果大家好需要吸床的話,Ergorapido Bed Pro Power 可以考慮。

#Electrolux #Ergorapido #ErgorapidoBedProPower

 

轉載原文

 


14990994_364117190599997_4971491485559372778_o魚爸の生活

https://www.facebook.com/fishyupapa/

正職是科技編輯,喜歡運動,家中有一條魚。經常以科技的方向去解決一家三口所遇到的疑難。