Menu & Search
《懶媽搜記》 熱搶 V 仔機

《懶媽搜記》 熱搶 V 仔機

曾幾何時覺得自家製三文治機、夾餅機、窩夫機呢類「家電」好阻地方,但自從見過日本出的 Vitanonio 多功能窩夫機之後,就開始改觀。皆因其可換模式設計,機仔細細可以做三文治、格仔餅之外,換個模就可以整冬甩、鯛魚燒、脆餅、貝殼蛋糕、班戟、飛碟、夾包......等等。一直想買,只可惜日版電壓問題,要拖一個大火牛,所以打消了念頭。上個月終於等到有港版行機出,一出好多人搶,就算搶到機之後,部分烤模都要訂貨先有,的確好搶手!


曾幾何時覺得自家製三文治機、夾餅機、窩夫機呢類「家電」好阻地方,但自從見過日本出的 Vitanonio 多功能窩夫機之後,就開始改觀。皆因其可換模式設計,機仔細細可以做三文治、格仔餅之外,換個模就可以整冬甩、鯛魚燒、脆餅、貝殼蛋糕、班戟、飛碟、夾包……等等。一直想買,只可惜日版電壓問題,要拖一個大火牛,所以打消了念頭。上個月終於等到有港版行機出,一出好多人搶,就算搶到機之後,部分烤模都要訂貨先有,的確好搶手!

傳說中呢部機好夠熱,所以焗得快之餘,焗出黎既成品「色水」仲好靚添,究竟呢部 V 仔機有幾吸引?有幾神?就就等懶媽開箱試機先!

先試鯛魚燒

Cl151122-021.跟食譜份量把全蛋、糖、鹽、鮮奶拌勻至溶化,加入已篩低筋粉及泡打粉拌勻,再加入葡萄籽油拌勻成麵糊。
Cl151122-032. 先要預熱 V 仔,等綠色燈亮起方可倒麵糊。而懶媽把麵糊倒入「擠擠」樽,方便把麵糊「擠」入模中,干手淨腳!
Cl151122-04 Cl151122-053. 將麵糊填滿一層後,再加入朱古力,然後再「擠」一層麵糊,蓋上烤焗 5 分鐘。(懶媽試加入香蕉,甚至用Cream Cheese 做,都好好味!)
Cl151122-064. 第一次玩,唔識就份量,「擠」多了麵糊,所以焗起來魚邊「出界」,不過 V 仔個模焗出來唔會黐模,甩模後輕輕力就可以搣走「出界」部分。

 

Cl151122-07焗出來魚形好靚,但焗 5 分鐘似乎過火了少許。
Cl151122-084分半鐘似乎就剛好了!
試完鯛魚燒,發覺 V 仔機的確好夠熱,個烤模唔會黐底,易甩模之餘又易清理,呢部 V 機果然不負眾望!只是懶媽心多多,見咁多個模,個個都好吸引,的確想買齊晒 10 款模,但除了考慮價錢之外,都仲要搵地方擺放!


食譜 (8個份量):

全蛋液 110g

糖 25g

鹽 1g

鮮奶 50g

低筋粉 100g

泡打粉 3g

葡萄籽油 15g

入爐朱古力粒 適量 Vitantonio 多功能窩夫機 VWH-110-W,港版賣 $1,198,跟機本身有 3 個模,窩夫、三文治及鯛魚烤盤,另可加冬甩、脆餅、班戟、貝殼蛋糕、心型窩夫、撻皮、夾包,一共 10 款,每款 $198。