Menu & Search
【味道相當一般】 Grill ขุนทอง

【味道相當一般】 Grill ขุนทอง

今個禮拜疫情爆發第三波情況底下,我哋偉大嘅仆街政府實施晚間食肆宵禁零,六點後唔俾堂食只可以買外賣!搞到我見到好多人踎喺街邊同公園,好似犀利哥咁樣食飯盒!政府行到呢一步,更加肯定本熊少爺由年頭一直推斷係冇錯嘅⋯⋯武漢嗰邊啲病毒源頭,根本係喺實驗室洩漏出嚟嘅生化武器!因為喪屍晚間嘅攻擊能力比起日間強勁!所以用心良苦,叫全港市民夜晚小心啲,盡量唔好出夜街⋯⋯但係日頭飲茶、食飯、喺公園做運動唔戴口罩,係冇問題嘅!因為喪屍病毒日頭係冇咁犀利嘅!


而家嘅香港,好多市民同本熊少爺一樣⋯⋯你有你嘅暴政,我有我繼續我嘅忙碌!我今個禮拜繼續喺中環做上班族,過住啲朝九晚五嘅生活!繼續午飯時間,走去嘗試身邊啲中環返工嘅朋友,推介俾我嘅餐廳!今個禮拜試咗蘭桂坊嘅一間 泰國 串燒舖 Grill ขุนทอง !

泰國串燒配炒飯及雜菜~

個辣肉碎飯味道都尚算OK,略嫌味道唔太辣同埋係 OL 份量!成碟嘢嘅主角串燒三兄弟,分別係豬肉、雞肉同牛肉!但係串燒嘅味道相當一般,肉質粗糙無肉汁!牛肉更加韌到咬不開!豬肉好似食緊柴皮一樣嚡烚烚!較為合格已經係佢個雞肉!

去骨泰國海南雞飯~

若然我冇估錯,呢間餐廳應該係用急凍雞髀攞嚟整海南雞飯。雞髀位去骨尚算滑溜,但毫無雞味。油飯油度適中散發淡淡薑味,但個飯都係太少!

hogarhk #羆食堂 #肥熊人UMA


後記|呢度個飯嘅份量,作為中環返工嘅 OL 晏晝做午餐,或者上老蘭飲嘢之前當食啲嘢,都不失係一個好選擇!但係如果以男士嘅份量嚟講,真係要食兩個先至到飽!同埋可能本熊少爺平時多數會去九龍城食泰國菜,又或者揸架車去買路邊嗰啲串燒嚟食,食慣咗九龍城嗰啲泰國人嘅泰國菜味道,所以呢間店唔係我杯茶!


Grill ขุนทอง |中環蘭桂坊德己立街 17-19 號地下

唔想錯過我哋嘅內容,記得贊好 hogar.hkFacebook 專頁youtube 頻道 !