Menu & Search
【諗起佢滷味】 燈籠滷味

【諗起佢滷味】 燈籠滷味

我哋偉大嘅無能政府,竟然喺今個禮拜大恩大德咁樣,每個香港人可以分到 10 個用完即棄口罩!足足遲左半年先至後知後覺地提供口罩比啲市民。諗起佢老味,真係嬲到我今日晏晝想食 滷味 做晏晝!咁啱本熊少爺出咗去 銅鑼灣 有啲嘢整,走咗去登龍街試下,由台灣登陸香港嘅滷味專門店 燈籠滷味 ,最緊要係我見平時長龍到爆嘅門口,竟然唔係點使排隊,即刻走咗去幫襯!


食你滷味套餐+鴨血、貢丸~

喺圈嗰個餐牌嘅時候,我見到加 2 蚊有台灣直送王子麵,梗係要試吓㗎啦,食落其實有啲似我哋香港嘅福麵,滷水汁唔係死鹹果一種,淡淡嘅鹹味略帶一啲甘香,滷水材料都尚算上到滷水汁個顏色,但我略嫌覺得未係好入味,有改善嘅空間!
因為本熊少爺係唔食珍珠嘅,所以我配咗杯台式奶茶嚟飲,基本上都係正常大路嘅台式奶茶,味道不過不失。

hogarhk #羆食堂 #肥熊人UMA


後記|而家基本上喺疫情底下,大家個荷包都處於長期干硬化,同埋唔願出街食飯!出得嚟食飯,都係想求飽肚⋯⋯但略嫌佢份量真係比較少,食個晏晝埋單 $92 都真係幾貴下,不過總有一啲原因值得去支持一下!


燈籠滷味|銅鑼灣登龍街 39 號地下

唔想錯過我哋嘅內容,記得贊好 hogar.hkFacebook 專頁youtube 頻道 !