Menu & Search
【馬鈴薯燉肉】   冇得出街飯聚唯有匿喺屋企自己食自己!

【馬鈴薯燉肉】 冇得出街飯聚唯有匿喺屋企自己食自己!

悶熱嘅 Happy Friday,今日本熊少爺見客後坐低飲番杯凍啤,睇吓漫畫嘅時候,唔知點解突然間好想食薯仔燉肉(其實我懷疑過係咪我早幾日,睇過《孤獨的美食家》有講過呢樣嘢食),我竟然真係即刻飛的走咗過去樂富,買餸返屋企煮咗呢一個餸做晚餐!


今年嘅六四燭光晚會,呢個咁嘅政府竟然真係夠膽死荒謬到引用「限聚令」及活動增感染病毒風險為由反對,令到呢 31 年嚟首次被禁止喺維園呢一個咁重要嘅晚會。慶幸總算成個晚會都冇啲不愉快嘅嘢發生。

睇返當年今日好多藝人都為民主、為自由、為北京啲學生企晒出嚟!我記得本熊少爺當年都跟住阿爹走咗去跑馬地支持。見到當年嗰啲藝人,去到今時今日走去聯署支持港區國安法,真係都幾唏噓!

更加好笑係發現有好多藝人原來係「被簽署」話支持,蔣志光即時走出嚟否認有簽過聯署支持。賺緊人民幣嗰班,真係搏人哋唔夠膽出聲就亂咁嚟㗎喎!講開蔣志光,今個禮拜就大家分享一下 30 幾年前嘅一首歌,〈皇后大道東〉羅大佑

悶熱嘅 Happy Friday,今日本熊少爺見客後坐低飲番杯凍啤,睇吓漫畫嘅時候,唔知點解突然間好想食薯仔燉肉(其實我懷疑過係咪我早幾日,睇過《孤獨的美食家》有講過呢樣嘢食),我竟然真係即刻飛的走咗過去樂富,買餸返屋企煮咗呢一個餸做晚餐!

今日同大家分享一下,一個喺日本每一個家庭煮婦都識得煮嘅日本 hea餸 『肉じゃが』(馬鈴薯燉肉)。呢個食譜仲要係問本熊少爺喺當地一位日本人妻朋友攞嘅,地道日本師奶食譜嚟㗎。但係佢俾我嘅食譜,嚴格啲嚟講我覺得係應該一個好隨心,放晒啲食材倒埋啲調味料,落去個煲度一鑊熟咁就煮好咗一個餸。

#hogarhk #羆食堂 #肥熊人UMA

材料

男爵薯仔~ 6 個

洋蔥~ 1 個

甘筍~ 1 個

南瓜~ ¼ 個

豚肉片~ 550g

魔芋~ 400g

沙律油~ 2 茶匙

堅魚高湯~ 2 杯

日本醬油~ 2 湯匙

味淋~ 4 湯匙

糖~ 1 湯匙

究竟要點煮?

將薯仔、洋蔥、甘筍、南瓜切到大概一啖嘅大細。 將豬肉片切成小塊方便食用;

在平底鍋中加熱油,將洋蔥炒熟,加入豬肉再炒熟;

加入薯仔、甘筍、南瓜、然後炒;

倒入湯料落到蓋過所有材料;

煮滾時除去浮渣,加入醬油、味淋、糖、魔芋,然後冚張牛油紙係煲面;

煮沸時,用小火煮 15-20 分鐘。煮到差唔多收汁咁就完成。


後記日本人妻朋友話,煮嘅時候,最好煮滾後唔冚蓋,改冚牛油紙(記住喺中間剪個窿),我問佢點解?不過佢都答我唔到,只係話係個日本老婦人教佢係咁做,佢十幾年都咁樣煮。咁既然本熊少爺問得佢,當然要跟人哋個方法喇!


唔想錯過我哋嘅內容,記得贊好 hogar.hk Facebook 專頁youtube 頻道 !