Menu & Search
【氣炸鍋咕嚕肉】 冇得出街飯聚唯有匿喺屋企自己食自己!

【氣炸鍋咕嚕肉】 冇得出街飯聚唯有匿喺屋企自己食自己!

上個禮拜突然間傳出,又話政府要實施禁酒令,跟住又實施禁止 4 人以上聚集,仲話如果違反咗嘅即時票控 $4,000!其實本熊少爺真係完全唔明係乜嘢解夠,完全唔堵塞源頭,關唔全封跟住剝奪所有香港人自由!無端端不斷實施一啲擾民嘅條例出嚟,每日睇新聞見到嗰條咁嘅女人喺度鳩噏,真係不禁令我最近係咁聽返 LMF 十年前嘅其中一隻歌 〈WTF〉!


既然冇得出街,你慌會餓得死本熊少爺?史提芬周話齋:煮嘢食呢啲嘢好講天份㗎!我唔敢講我真係識得食……但我敢講,相信我落手煮嘅嘢食都尚算唔難食!細個睇電影話廚房有兩大剋星……分別係「乾炒牛河」同埋「咕嚕肉」!既然係咁,今個禮拜《羆食堂》一於喺屋企,整個咕嚕肉同大家分享一下!

【氣炸鍋咕嚕肉】

主要材料:

梅頭~ 約 600g

三色椒~ 各半個,切片

罐頭菠蘿片~ 一罐(細)

洋蔥~ 半個,切片

地瓜粉(炸腩排用)~ 適量

梅頭粒醃料:

紹酒~ 1 湯匙

生抽~ 1 茶匙

糖~ 1 茶匙

鹽~ 1 茶匙

胡椒粉~ 少許

甜酸汁:

茄汁~ 3 湯匙

白醋~ 3 湯匙

罐頭菠蘿水~ 約半罐

要點煮?

梅頭粒放入氣炸鍋以 180 度,炸 20 分鐘…

落油起鑊,倒入三色椒及洋蔥,炒勻…

倒入甜酸汁及菠蘿片炒勻…

放入已炸好的梅頭粒炒勻…

醬汁煮滾後,醬汁呈濃稠,再炒勻即成…


後記|其實整呢個餸真係冇乜難度!不過要注意嘅係梅頭粒上地瓜粉時記住要等待五分鐘回潮先拎去炸。 因為回潮之後先炸,冇咁容易甩炸皮。
甜酸汁最好煮嘅時候試一試味,搵個自己接受到嘅酸甜程度,調校自己嘅口味。因為我永遠都覺得,食譜上嘅份量係只供參考!廚師們喺屋企整可因應個人嘅口味同埋份量,我覺得可以隨自己喜好作出加減。


唔想錯過我哋嘅內容,記得贊好 hogar.hk Facebook 專頁youtube 頻道 !