Menu & Search
【量體溫先入得】大渣哥茶記

【量體溫先入得】大渣哥茶記

早幾日過咗做眼鏡嘅老友食晏,順便去 九龍灣 佢公司配返副爛咗嘅眼鏡,正當我哋諗緊想食乜嘢嘅時候,竟然異口同聲諗起一間開咗唔係好耐嘅 大渣哥茶記,跟住我哋二話不說就各自飛車去排隊搵位……


話說過年前俾熊人仔唔小心整爛咗副眼鏡,搞到成個農曆新年都要帶住副唔啱度數嘅士啤眼鏡,過完年之後即刻打俾個做眼鏡嘅老友求救,即刻就班咗兩副眼鏡俾本熊少爺,點知啱啱遇着剛剛佢去咗日本滑雪,要等佢返嚟先有得拎!早兩日知道佢返香港又唔需要隔離,就即刻打電話俾佢約佢食個晏晝,順便去佢公司拎埋眼鏡。

大渣哥炒飯~

見到個餐牌炒飯類嗰度,第一個就叫大渣哥炒飯,完全唔知係乜嘢炒飯,但既然係用得個招牌嚟叫,我諗點都會有啲信心保證,一放低碟飯,原來係楊洲炒飯!冬菇、叉燒、火腿、生菜、蝦仁都好足料,而且個飯炒得夠乾身!雖然包埋杯嘢飲,但係個炒飯要成 $76 就真係貴咗少少!

蔥油雞扒煎蛋飯~

我老友就叫咗個蔥油雞扒煎蛋飯,咁為食嘅我梗係抽水拎咗佢一小塊雞扒試下個味道!整體嚟講件雞扒都腌得夠入味,目測仲雞扒份量都算大件!


後記|去幫襯嘅每位客人,都首先要量度體溫,之後再要出示身分證證明自己係香港永久居民,而唔係啲普通新移民扮香港人先入得去幫襯!我哋大家食飯嘅時候,同隔離枱啲食客同聲同氣,感覺上都安心一點!


大渣哥茶記|九龍灣常悅道21號 The Eastmark 地舖

唔想錯過我哋嘅內容,記得贊好 hogar.hkFacebook 專頁youtube 頻道 !