Menu & Search
【 過江龍 迴轉壽司 】 Sushiro 壽司郎

【 過江龍 迴轉壽司 】 Sushiro 壽司郎

較早前有個老太婆話要放棄咗香港啲年青人,佢嘅家族集團特許經營果啲壽司舖元 X、X 両生意一落千丈,連鍾意食壽司嘅年青人都唔去幫襯!啱啱遇着剛剛,喺上年年尾有一間日本過江龍壽司舖 壽司郎 喺香港開幕!


可能香港人已經餓左好耐壽司,所以由開幕嗰日開始,日日都大排長龍!早幾日難得賢內助有假期,我哋送咗熊人仔返學之後,兩口子就走咗出去佐敦食壽司做 brunch!

基本上呢度嘅收費,係用4款色碟:
紅色:$12、銀色:$17、金色:$22、黑色:$27

呢度最正係大部份壽司都係最平嘅紅色色碟,真係做到同喺日本食一碟迴轉壽司差唔多價錢!款式多同用料新鮮,基本上個價錢仲要抵過元 X 一節!(嗰間壽司店講緊嗰啲大滿足,係 $10 得一件壽司),而呢度嘅壽司實在多到介紹唔晒,我會首選推介有以下幾種

吞拿魚

赤蝦

油甘魚

吞拿魚腩

蝦三味

海螺

後記:上網睇返一啲資料,發現原來壽司郎(あきんどスシロー)日本總部位於大阪府吹田市,母公司為日本最大白米批發商神明(日本元氣壽司持有人),持有3成的壽司郎股份。曾經命名為大阪秋田旋轉壽司,後來改名叫壽司郎。雖然大家係日本都係出一個集團,但係喺香港,我都係食返壽司郎喇⋯⋯


聞說佢地兩年內,會在香港開四十間分店添!希望到時唔需要排太耐隊,周圍都有分店,香港嘅後生仔食壽司就可以有多個選擇!


Sushiro 壽司郎| 佐敦彌敦道348號彌敦坊UG樓

唔想錯過我哋嘅內容,記得贊好 hogar.hk Facebook 專頁 youtube 頻道