Menu & Search
【 肥牛酸辣粉 】 雲記桂林米粉

【 肥牛酸辣粉 】 雲記桂林米粉

最近香港地社會動盪⋯⋯苦海求天本熊少爺心情都好肉酸!啱啱遇着剛剛,禮拜六走咗入嚟 上水 行下,係咁肉酸嘅心情底下,都真係要食返啲酸嘢。成個 石湖墟 我淨係醒起,雲記桂林米粉 呢一間一直唔敢幫襯嘅舖頭仔,即管走去幫襯!


肥牛酸辣粉~

肥牛酸辣粉~

其實真心覺得酸辣粉,真係唔需要有任何配料,普通一個酸辣粉係好味嘅,已經真係好好味!坊間好多酸辣粉,都只係做到夠辣但完全唔夠酸⋯⋯但係呢度嘅酸辣比例,完全做到一個中和點!簡簡單單入去北區速食一碗,都相當冇得頂!

豬手肥腸麻辣米線~

豬手肥腸麻辣米線

滷水大腸味道麻麻,豬手炆得夠入味幾好幾好,麻辣既有麻香亦有香辣!配料裏面有酸筍唔係人人接受得到!本熊少爺覺得加咗之後,成碗面嘅層次更加突出!

後記:呢間係小路邊嘅舖頭,有時行過都俾佢嗰陣酸筍嘅酸餿味嚇親,而唔敢入去幫襯!但係試過一次之後又會心思思走去再幫襯!雖然呢間野坐得唔舒服,又完全冇服務態度,感覺仲有啲似返咗大陸嗰啲家庭式餐廳。但係食得呢啲米缐,就係要食呢一種咁嘅環境同埋感覺!


雲記桂林米粉|
上水新成路88號海禧廣場地下16號舖

唔想錯過我哋嘅內容,記得贊好 hogar.hk Facebook 專頁 youtube 頻道