Menu & Search
【 山城牛肉麵 】 山城小麵

【 山城牛肉麵 】 山城小麵

今個禮拜,本熊少爺架熊人號牌費到期又未寄返嚟,搞到今個禮拜返工都真係行多咗路。早兩日假期前夕,喺深水埗福榮街嗰邊做完嘢,但係眼見福榮街嗰啲鋪頭真係冇乜意欲走入去幫襯!喺肚空空又諗唔到食乜嘢,漫步行落去太子嘅時候,我竟然俾一間平時本熊少爺我打句問句見到個門口,都一定唔會入去幫襯嘅小店,佢個抽風位噴出嚟嘅氣味,吸引左我入去望吓佢係賣啲乜嘢!最後我竟然走咗入去,食咗一個我估佢唔到嘅午餐!


麻辣手撕雞~

乾辣椒再配上辣椒油麻油等香料,令到平平無奇嘅手撕雞肉出奇咁好味!本熊少爺甚少出街食雞,要讚佢個手撕雞,真心講值得推介,必食之選!

山城牛肉麵~

雖然呢個牛肉麵裏面嘅牛肉,同紅燒牛腩冇乜分別,但湯底同埋個麵整體嚟講,係好好味嘅!仲可以額外加幾蚊加埋滷水肥腸,估佢唔到竟然都炆得夠入味。

後記:坊間嗰啲集團式經營嘅鋪頭,真係冇乜邊間係好食!但勢估唔到一間毫不起眼嘅小店,絕對係有驚喜。唯一一個缺點就係對於我來講,揸車其實有點兒麻煩,唔知點泊車走去食!


山城小麵 |
太子大埔道70號太子中心地下2B號舖

唔想錯過我哋嘅內容,記得贊好 hogar.hk Facebook 專頁 youtube 頻道