Menu & Search
【 花奶豆腐花 】 李康記豆腐花

【 花奶豆腐花 】 李康記豆腐花

話說今個禮拜周邊嘅朋友個個都走咗去睇演唱會!唔係睇艾粒就係走咗去睇何超,搞到我都心癢癢想去睇下,無奈兩個 show 我都冇買演唱會飛,冇得睇。喺情緒極度低落嘅情況底下,不如繼續講返之前,我去梳打埠仲食嗰啲乜嘢俾大家知道!


【 花奶豆腐花 】 李康記豆腐花 | 澳門 新馬路 | 《羆食堂》

花奶豆腐花~

呢間喺新馬路再要走入橫街先至搵到嘅小店,好話唔好聽我早喺十多年前已經幫襯。以前走去食真係幾好味,但係自從出咗名,多咗內地旅客走去幫襯之後,真係冇以前咁好食!豆腐花雖然滑但係完全冇豆香。呢間鋪而家最大嘅功效,就係俾國內旅客用來做打卡勝地!


後記:啱啱見到當年今日,原來我9年前都已經講過佢退步咗,而家去食講真只不過係食佢嘅感覺同埋回憶,因為去到澳門,其實我食嚟食去都係嗰十間八間小店。或多或少都係充滿住我同我以前女朋友去馬交嘅開心回憶!我以前女朋友係邊個?咪就係我而家屋企嗰位賢內助囉!


李康記豆腐花|

澳門新馬路新埗頭街 19 號 D 地下

唔想錯過我哋嘅內容,記得贊好 hogar.hk Facebook 專頁 youtube 頻道