Menu & Search
【 麻辣・唔辣 】 辣吧

【 麻辣・唔辣 】 辣吧

今年本熊少爺同身邊幾個老死(主編朋友同趷趷剛)一齊犯太歲,都總算冇穿冇爛!於是乎臨過年前,我哋一齊出去簡簡單單食餐年尾飯,左諗右諗,我哋決定咗去 尖沙咀 諾士佛台 辣吧 呢間餐廳食海鮮!


【 麻辣・唔辣 】 辣吧
| 尖沙咀 | 《羆食堂》

海鮮大咖(八款海鮮)~

每人三舊幾水,分別有膏蟹、貴妃蚌、花甲、象拔蚌仔、元貝、魷魚、蝦同鮑魚仔等八款海鮮。之但係所有海鮮都係預先白烚之後上枱再加上麻辣湯!成盤嘢淡茂茂乜味都冇,雖然都有一個好處,如果麻辣嘅話會食唔到海鮮嘅鮮味⋯⋯但當晚大部份嘅海鮮質素都非常一般!個煲用酒精加熱,印象中當晚全個飯局都冇滾過嘅!真係不禁令我大聲清唱咗句:「請你滾♪滾起佢♪」

熱鍋串串(秘製麻辣)~

同好友趷趷剛喺等齊人嘅時候,叫咗呢個熱鍋串串諗住送下啤酒,雖然改咗個名叫熱鍋串串,但根本就只係麻辣燙!百四蚊佢有30寸一粒一串嘅麻辣燙。雖然我都預咗佢係細細粒容易食,但係最大鑊就係成兜嘢色澤,貌似係麻辣,但係完全乜味都冇嘅!唔知仲以為本熊少爺冇咗味覺一樣!


後記:成餐飯最成功相信係嗰兩支 Beer Tower!已經唔關價錢嘅問題,食完啲海鮮,本熊少爺第二朝仲出現少少輕瀉嘅現象!呢間嘢我絕對No more next time!


辣吧|尖沙咀諾士佛臺 1 號 1 樓

唔想錯過我哋嘅內容,記得贊好 hogar.hk Facebook 專頁youtube 頻道 !