Menu & Search
【 牛肉拉麵 】 清真蘭州牛肉拉麵 | 荃灣

【 牛肉拉麵 】 清真蘭州牛肉拉麵 | 荃灣

2019 年來臨,本熊少爺都要出走去行個大運!一朝早走去咗城門水塘行下吸收下清新空氣,行完之後落返荃灣竟然發現一間舖頭打正旗號,賣我最愛嘅蘭州拉麵!我冇理由唔走去試下㗎嗎!


【 牛肉拉麵 】 清真蘭州牛肉拉麵 | 荃灣 | 《羆食堂》

 

牛肉拉麵~

基本上除咗牛肉份量,同埋價錢貴過大陸幾倍之外,基本上都同大陸是但一間清真牛肉麵嘅味道一模一樣!唔駛北上都食到呢個味道,正!

 

肉夾膜~

炸到脆卜卜嘅包皮,包住啲一粒粒嘅牛肉碎,熱辣辣送上枱好味都不得之了!

 

後記:一入到呢間小店有如穿過一度隨意門一樣瞬間轉移返咗去大陸一樣!無論裝修設計定係店內嘅氣味都令人置身國內一樣。不得不稱讚一坐低店員奉上嘅一杯杞子圓肉茶,甜甜地又香噴噴,飲一啖成條喉嚨舒服晒!

 


清真蘭州牛肉拉麵|荃灣沙咀道283號地舖

唔想錯過我哋嘅內容,記得贊好 hogar.hk Facebook 專頁youtube 頻道 !