Menu & Search
【榴槤乜乜乜】 榴槤樂園 | 尖沙咀

【榴槤乜乜乜】 榴槤樂園 | 尖沙咀

【榴槤乜乜乜】 榴槤樂園 | 尖沙咀 | 《羆食堂》 剛過去嘅星期五,本熊少爺竟然去咗 尖沙咀 一間榴槤專門店食甜品,勢估唔到呢間 榴槤樂園 鋪頭真係除咗榴槤嘅嘢食之外,就冇其他嘢食!細佬生平唔算太過偏食,但係榴槤呢家嘢真係唔係我杯茶!但既然泊好車坐低咗,好好醜醜都叫隻蛋撻飲杯咖啡喇!


【 榴槤 乜乜乜】 榴槤樂園 | 尖沙咀 | 《羆食堂》

榴槤芝心撻~

因為一入到去間鋪頭,榴槤嘅味道真心唔係太重,令本熊少爺嘅戒心放低咗一點!但我有呢一種諗法實在係太天真啦!一咬入口嗰浸榴槤味由內到外湧出嚟!再加埋個撻裏面半溶芝士嘅味道!嗰種味道就有如同一個女士食完榴槤後,跟你來一個法式濕吻一樣恐怖⋯⋯慶幸我屋企位賢內助係唔食榴槤嘅!($25)

 

香濃榴槤咖啡~

淡淡嘅榴槤味比起個蛋撻冇咁大嘅衝擊!對於一個唔食榴槤嘅人來講已經係最大嘅極限!($28)

 

後記:就係傍晚飲咗呢杯咖啡同食咗呢隻撻,搞到我頂住頂住成晚都唔係點食到嘢!我喺呢度煩請各位朋友記住所有『榴槤乜乜乜』都千祈唔好預本熊少爺!不過呢度對榴槤喜好嘅人,都不失為一個食甜品好地方嘅!最後容許我講一句天大嘅廢話!鍾意榴槤嘅人應該會好鍾意,不過唔鍾意食嘅人就⋯⋯

 


榴槤樂園 | 尖沙咀 金巴利道92號地下

唔想錯過我哋嘅內容,記得贊好 hogar.hk Facebook 專頁youtube 頻道 !

唔想錯過我哋嘅內容,記得贊好 hogar.hk Facebook 專頁youtube 頻道 !