Menu & Search
【大埔有正粉果】 高山粉果燒賣 | 大埔

【大埔有正粉果】 高山粉果燒賣 | 大埔

今個禮拜本熊少爺處於得閒到死嘅狀態⋯⋯成隻熊Hea到爭啲連波鞋都唔記得抽!話時話大家抽咗未呢?得閒到一個點,無聊當然去搵嘢食,忽略諗起 大埔 有正粉果,即刻揸架車去食 高山粉果燒賣。


【大埔有正粉果】 高山粉果燒賣 | 大埔 | 《羆食堂》

 

燒賣粉果~

手包魚肉燒賣,細細粒配埋自家製辣椒豉油,口感彈牙!另外令我刮目相看嘅,係呢度嘅粉果,老闆用沙葛、芹菜、菜甫、蝦米、豬肉等材料切粒炒好做成粉果餡,配上由澄麵、木薯粉同麵粉猜成麵糰,再壓皮一隻隻人手包好蒸熟。絕對唔係嗰啲現成貨可以同佢有得比!

 

後記:呢個由當年廣福村冬菇亭已經起晒朵嘅燒賣叔叔,一早已經想去幫襯但係一直找不着機會走去大埔試一試!今日一試好後悔點解唔早啲走去食呢?佢呢度個粉果真係好食到喊!我諗我會過幾日又走去幫襯過!不過提提大家,佢不定休日,而且售完就拉閘收檔。

 


高山粉果燒賣 | 大埔 寶湖道28號廣福商場廣福街市44號舖


唔想錯過我哋嘅內容,記得贊好 hogar.hk Facebook 專頁youtube 頻道