Menu & Search
【沾麵都可以清新】 漁場台風 | 旺角

【沾麵都可以清新】 漁場台風 | 旺角

話說主編好友出發去佢嘅秋季東瀛大旅行,搞到我呢啲好耐冇去過日本(明明上個月先去完東京返嚟)嘅熊人心癢癢,都掛住日本!突然掛住日本嘅我送完熊人仔返學之後,就捉埋我位賢內助走去拍下拖,食返餐日式料理平衡一下心理,試試一間在 旺角 的  漁場台風 !


【沾麵都可以清新】 漁場台風 | 旺角 | 《羆食堂》

魚介豚骨蕃茄海蝦沾麵~

蕃茄同蝦嘅味道都衝擊味蕾嘅每一個角落!成個麵歸功於個檸檬令到其他味道更加突出!酸酸地令到整個沾麵食起上嚟感覺大一點清新。

 

魚介豚骨沾麵~

可能我同一時間試晒兩個沾麵,呢個一定冇蝦嗰個咁鮮味咁出眾,但係其實佢都係好好味。角豚同筍嘅配合都天衣無縫!不得不提呢個半熟糖心蛋,一啖擺落口真係好味到難以形容!

 

後記:據說呢間餐廳有日本人主理,日頭主力賣沾麵⋯⋯而夜晚就係賣拉麵!本熊少爺就未試過呢度嘅拉麵,但沾麵真係幾啱我口味!呢度一定會成為近期推介身邊好友,晏晝喺旺角食乜好嘅食推介之一!

 


漁場台風|旺角快富街39號建煌華廈地舖


www.hogar.hk

www.facebook.com/hogar.hk