Menu & Search
【燒肉唔脆皮?】 永合隆飯店 | 太子

【燒肉唔脆皮?】 永合隆飯店 | 太子

【 燒肉唔脆皮? 】 永合隆飯店 | 太子| 《羆食堂》 啱啱過咗嘅中秋節,大家有冇一家大細坐埋食完飯賞下月食下月餅呀?我就因為一盒月餅,喺外家俾一個無謂人語帶譏諷單單打打,一心諗住想撩交打!唔知乜嘢事,本熊少爺竟然睬佢都有味當嗰條友仔隱形,帶咗熊人仔返屋企繼續賞月!第二日追月,本熊少爺冇假放要繼續返工,中午時分見口淡淡,一心諗住假期食好啲,所以去咗 太子 的 永合隆飯店 去食燒味!


【 燒肉唔脆皮? 】 永合隆飯店 | 太子| 《羆食堂》

燒肉飯~究竟我呢個晏晝係食咗啲乜嘢落肚?賣到五十蚊一碟飯,仲衰過深水埗嗰啲廿蚊盒嘅燒味飯!究竟我細個時,熊爸爸好鍾意斬料返屋企嘅燒肉去咗邊?燒肉皮既不香脆仲有啲韌,成碟燒肉飯好似將啲頭頭尾尾斬埋一碟拎過嚟咁⋯⋯失敗之中失敗!

 

後記:一間喺太子屹立幾十年,出名燒豬嘅燒臘檔,對於本熊少爺嚟講真係充滿兒時回憶,由我細細個住大大公司樓上開始,屋企人提起燒肉都總會提起呢一間舖頭!但說實在而家真係去一次失望一次,話說其實唔係第一次,就算外賣燒肉返去公司送啤酒,唔知點解都總會得到一盒沙泥篤!我諗我應該會真真正正同呢間舖頭講再見!

 


永合隆飯店 | 太子砵蘭街392號

www.hogar.hk

www.facebook.com/hogar.hk