Menu & Search
【宵夜飲茶】 馬仔記客家菜館 | 上水 | 《羆食堂》

【宵夜飲茶】 馬仔記客家菜館 | 上水 | 《羆食堂》

剛剛過去呢個星期真係成個香港,都俾阿比卡超局長口中嘅「天竺」吹到散晒!嚴重破壞全港!風暴過後樹木倒塌、瓦礫處處,交通嚴重癱瘓市民仲要迫車返工!而本熊少爺屋企所有人都喺一場風暴中冇損傷⋯⋯只係屋企個洗衣房全個被風吹到散晒,都算係不幸之中嘅大幸!【宵夜飲茶】 馬仔記客家菜館 | 上水 |《羆食堂》


【宵夜飲茶】 馬仔記客家菜館 | 上水 |《羆食堂》

風暴過後又忙到趴喺度,只係可以喺收工之後,開始喺屋企執返企理間屋,早兩晚執屋執到凌晨兩點幾,肚空空揸咗架車出去睇吓邊度食宵夜,行呀行下走咗去石湖墟拍低架車,飲宵夜茶!

 

蝦餃~

蝦餃裏面,筍蝦同肥豬肉嘅比例,比起啲連鎖式嘅酒樓做得出色。

 

燒賣~

燒賣啲餡料肥豬肉份量比較多,一啖咬入口有啲油膩!

 

鵪鶉蛋燒賣~

膽固醇之作!順水情意結,細細個跟阿爺同阿公去地痞茶檔飲茶嘅時候,必定會叫嘅一樣嘢食,有一段時間好多酒樓都已經冇再做,但近年好多地方都再次出現!味道不過不失。

 

糯米卷~

我諗我都有好多年冇食過糯米卷,唔知乜鬼嘢事發神經突然想叫嚟食,整體來講都可以,食得返兒時食嘅味道。

 

後記:風暴過後,凌晨時分坐係街邊飲早茶的確別有一番風味,飲早茶絕對係我阿爺以前會做嘅行為,莫非我已經去到會一個人走飲早茶嘅年紀?

 


馬仔記客家菜館|上水新康街57-59號地下

www.hoagr.hk

www.facebook.com/hogar.hk