Menu & Search
【在灣仔的元朗麵舖】 元朗合隆潮州粉麵 | 灣仔 | 《羆食堂》

【在灣仔的元朗麵舖】 元朗合隆潮州粉麵 | 灣仔 | 《羆食堂》

今個星期懶洋洋完全唔想返工,早兩日仲靜雞雞走咗去睇歡樂早場!呢套《未來的未來》情節笑中有淚真係幾感人,戲中主人翁『小君』無論表情定係啲撒嬌行為,都有啲似本熊少爺屋企嗰隻熊人仔添!完場走出嚟泊咗架車喺摩理臣山咪錶位,就係活道附近求其搵間舖頭食個晏先返工


 


【在灣仔的元朗麵舖】 元朗合隆潮州粉麵 | 灣仔 | 《羆食堂》

 

脆門鱔魚皮、金銀菊花茶~

門鱔皮炸得有點硬身,需要浸一浸湯然後再食,整體嚟講都係好味嘅!食完熱氣嘢梗係要飲返杯菊花茶,呢度嘅菊花茶唔太甜啱我河車!

 

冰鎮墨魚頭~

呢個墨魚頭真係最大要訣,就係兩個字「新鮮」!新鮮嘅話就一定會好味。呢度嘅墨魚頭絕對可以用好好味嚟形容!放一道入口鮮味又彈牙,令我好有衝動叫多一碟嚟食!

 

豬什銀針粉~

先飲一啖湯濃濃嘅胡椒豬骨湯,味道已經入侵我嘅味蕾每一個角落!湯底香甜好味,配合埋白灼豬什味道來得啱啱好,略嫌銀針粉煮得唔夠入味,所有味道流於表面,下次都係試吓配搭其他粉面可能會好一點。

 

後記:罕有地本熊少爺去到一間舖頭,竟然會覺得全部嘢都好食!呢間個名叫做元朗合隆但係喺灣仔嘅小店口味,竟然俾到我驚喜!如無意外如果去開灣仔食晏晝,我都會帶身邊朋友去呢度食嘢嘅!

 


元朗合隆潮州粉麵 | 灣仔德仁街3號A舖

www.hogar.hk

www.facebook.com/hogar.hk