Menu & Search
【溝埋鴛鴦都幾夾】 樂園 ・ 九龍城

【溝埋鴛鴦都幾夾】 樂園 ・ 九龍城

今個禮拜成個禮拜都雨濛濛,絕對影響到本熊少爺嘅工作心情!早兩日又熱又潮濕嘅朝頭早,完全諗唔到自己想食乜嘢⋯返公司之前揸住架車四圍遊走諗下食啲乜,左諗右諗之下就嚟 九龍城 街市上面間 樂園 ,食一個同自己身體健康過唔去嘅早餐!


【溝埋鴛鴦都幾夾】 樂園 ・ 九龍城

 

沙嗲牛肉西多士 + 鴛鴦紅豆冰~

呢個早餐真係幾有驚喜,裏面嘅沙嗲牛肉切到細細粒,鹹嘅牛肉同外邊甜嘅煉奶完全無違和感。加埋一齊仲好好味添!細個成日都會喺慈雲山北總站側邊食紅豆冰,但係唔知由幾時開始,我對紅豆真係有啲抗拒,所有紅豆整出嚟嘅食物都唔多願意接觸!但係呢度杯鴛鴦溝咗紅豆冰,竟然我又飲得晒成杯!佢唔算太甜,溝埋鴛鴦嘅味道竟然都係夾嘅!

 


後記:
呢一間街市上邊嘅茶記,依稀記得每次有朋友仔外國返嚟,都會帶佢嚟飲佢個紅豆冰奶茶,雖然每次我都係要正常嘅凍奶茶絕對唔會是紅豆冰,但係今次試過之後我諗我得閑都會去飲番杯嘅!

 


樂園|九龍城九龍城市政大廈3樓6號舖


www.hogar.hk

 

 

www.facebook.com/hogar.hk