Menu & Search
沖縄必試 《いなり壽し家》炸雞飯團・ 沖縄

沖縄必試 《いなり壽し家》炸雞飯團・ 沖縄

一家人終於有個悠長假期,走咗去沖繩睇琉球海炎祭!既然衝出咗香港冇理由唔為大家介紹一下本熊少爺喺當地有乜嘢我食過又覺得好推介嘅嘢食嘅……


一家人終於有個悠長假期,走咗去 沖繩 睇琉球海炎祭!既然衝出咗香港冇理由唔為大家介紹一下本熊少爺喺當地有乜嘢我食過又覺得好推介嘅嘢食嘅!今個禮拜我就一於先介紹呢間幾年前,睇 Now101 台有一個節目叫做《瀛知有密 秘密のケンミンSHOW裏面,見過嘅呢一種食物,いなり壽し家 炸雞飯團!

 


炸雞飯團~

呢間鋪頭只做外賣冇得堂食,所有當地居民都係一盒盒咁樣即刻買走返屋企食,我都唔執輸排隊買咗一盒,跟住揸車去咗附近嘅便利店,買咗支沖繩限定嘅菠蘿汁,試一試點解咁得當地縣民愛戴!炸雞裏面有淡淡嘅蒜頭香味,入口鬆脆再配上一啖腐皮壽司,真係估唔到我從此愛上呢一種美食!大家有機會真係要走去試一下!

 

後記:不得不介紹呢一隻GODIVA ダークチョコレート 黑朱古力飲品!如果最近去日本旅行嘅朋友真係要試下!好味到冇朋友,我都買咗幾杯擺喺酒店個雪櫃,朝頭早一瞓醒拎一杯走出露台,望住個海景嚟飲⋯⋯嗰種感覺真係相當冇得頂!

 


 いなり壽し家|沖縄県 沖縄市園田 2-13-6 (098-930-1788)