Menu & Search
椒鹽雙魷再啤一啤! 深水埗.愛文生 |《羆食堂》

椒鹽雙魷再啤一啤! 深水埗.愛文生 |《羆食堂》

椒鹽雙魷再啤一啤! 深水埗.愛文生 |《羆食堂》

今個禮拜都係俾啲負能量圍繞着我嘅每一分每一秒!工作既唔如意事就繼續發生、拖咗成年幾嘅一條幾大嘅尾數繼續追唔到、令我激氣嘅人就繼續驚激唔死我咁,每日總會諗出一啲新花款務求可以激到我爆血管!主編老友同隔離公司好友趷趷剛見我個慘樣可能驚我會自殺,放工嘅時候捉咗我落深水埗大排檔陪我隊下啤酒抒懷一下情緒,好在身邊仲有佢哋!

 

西湖牛肉羹~

唔知點解突然間好想食牛肉羹,所以叫咗個嚟飲。芫茜味香濃好味道,喺我諗住裝第二碗嘅時候已經差唔多無晒,我諗成兜有一半係俾趷趷剛個死仔飲曬嘅!

 

椒鹽雙魷~

每次去到大排檔必叫嘅一個餸,鮮魷同土魷兩者互補不足既有鮮味也有香味!炸漿唔會太多炸嘅時間啱啱好。

 

紅燒豆腐~

唔知由幾時開始好鍾意喺街外邊食紅燒豆腐,但係夏天成日出街食豆腐都會遇到有啲變壞咗嘅豆腐!好彩呢度嗰個紅燒豆腐唔係嗰啲擺喺度變咗嘅豆腐!味道就不過不失啦⋯⋯

 

豉椒炒涼瓜~

真想不到當天我們也討厭吃苦瓜,今天竟吃得出那睿智愈來愈記掛!真係不得不讚一句呢度認真鑊氣夠⋯⋯啲苦瓜好味到唔可以用筆墨嚟形容!

 

椒鹽豬扒~

冇預到個豬扒用咖喱醃過,豬扒外邊炸得夠乾內裏有肉汁,用嚟送酒一流!

椒鹽雙魷再啤一啤! 深水埗.愛文生 |《羆食堂》

後記:到咗今時今日嘅香港舊區重建嘅重建,發展嘅發展!如果我冇記錯全香港只係剩返大約廿間呢啲綠色鐵皮大排檔,說實在現今香港仲有幾多可以食得到人情味嘅地方呢?從前細細個老爹同佢啲同學落大排檔時總會俾我飲番幾杯學飲啤酒,到我大個啲就同佢一齊走去大排檔隊下啤。我諗呢一種親子活動應該冇乜可能係呢一個不斷變遷時代巨輪下,可以傳到去下一代。

椒鹽雙魷再啤一啤! 深水埗.愛文生 |《羆食堂》

愛文生|深水埗石硤尾街1號C地下

. . h o g a r h k h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k