Menu & Search
空肚去打邊爐 九龍城. 方榮記 沙嗲牛肉專家|《羆食堂》

空肚去打邊爐 九龍城. 方榮記 沙嗲牛肉專家|《羆食堂》

空肚去打邊爐 九龍城. 方榮記 沙嗲牛肉專家|《羆食堂》

有智者講過唔可以空肚食早餐⋯⋯咁如果空肚走去打邊爐呢?今日約咗個客要傾啲嘢,所以瞓醒未食早餐就即刻走咗出去九龍城會合。見面後佢竟然提議話不如去打住邊爐傾,問我介唔介意⋯⋯第二樣嘢我都仲可以俾你拋疾到。打邊爐真係大我唔到㗎!最癡線嘅時候我試過麻辣火鍋做早餐,所以二話不說就同個客走咗去侯王道 方榮記 開餐!

 

皮蛋芫茜湯底~

已經好耐冇嚟過幫襯,一坐低見到仲係保留着住用個缽嚟當煲俾人客打邊爐,抵讚。湯底整體嚟講不過不失,但芫茜味唔太夠!

 

鵝腸、鮮帶子~

一早預咗鵝腸會係嗰啲交貨鵝腸所以根本冇期望過,佢碟帶子先至最大鑊擺到明係啲急凍帶子仲要冰都未融就擺上台俾我避免過火少少呀嘛!

 

響鈴、韭菜餃~

響鈴食得出係吸塑膠盒即開,客人叫嘅時候換返隻碟拎出嚟嘅嗰啲貨仔,韭菜餃雖然都係雪都結咗冰拎上枱,但係韭菜味香濃,隻餃子尚算合格!

 

珍珠蠔仔~

$48 嘅珍珠蠔仔比起嗰啲 $68 嘅所謂鮮帶子真係性價比高好多!起碼仲食得到蠔仔應有嘅味道,上枱尚算新鮮!

 

手打墨魚滑、蔬菜籃~

墨魚滑好公平地同其他餸一樣都係雪到結咗冰!我好懷疑究竟係唔係因為我晏晝走去打邊爐,所以全部啲嘢都係之前一晚賣剩咗,擺晒落冰箱拎出嚟俾我食!百思不得其解,明明我冇叫到個蔬菜籃,但係個阿叔竟然二話不說放低一盤俾我,仲夠膽死話叫得湯底一定要叫埋菜,係乜嘢規矩嚟呢?

 

手切牛肉~

$198 一碟牛肉,既無牛味亦冇鮮味,如果我係食緊麻辣火鍋嘅話,可能會過到骨唔多覺,但係我食緊皮蛋芫茜湯底⋯⋯一食就知龍與鳳!

 

牛脷~

衰啲講句呢碟急凍牛脷好食過碟手切牛多多聲!講到咁樣你就會知道碟手切牛級數去到邊度!

 

酸梅湯~

我諗成餐飯只係得呢個酸梅湯同個珍珠蠔我會覺得係合格!啊⋯⋯唔係,仲有個幾支冰凍嘅藍妹!

空肚去打邊爐 九龍城. 方榮記 沙嗲牛肉專家|《羆食堂》


後記:早喺 PTU 用呢度嚟做其中一幕重要場景之前,喺我兒時呢度仲係用緊炭爐嘅時候,曾經係老爹同佢啲同學嘅飯堂!差不多每個星期總會嚟呢度打一至兩晚邊爐。我記得大概六、七年前我再幫襯過一次,水準已經差咗,但起碼仲食得到兒時嘅回憶⋯⋯今日再幫襯,覺得回憶嘅嘢擺喺心底可以歷久常新,做乜鬼嘢要走嚟再幫襯呢?

空肚去打邊爐 九龍城. 方榮記 沙嗲牛肉專家|《羆食堂》

方榮記沙嗲牛肉專家|九龍城侯王道85-87號地下

. . h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k H