Menu & Search
食一份本地老式扒房味道 | 西環 . 森美餐廳 | 《羆食堂》 @ hoghar.hk

食一份本地老式扒房味道 | 西環 . 森美餐廳 | 《羆食堂》 @ hoghar.hk

食一份本地老式扒房味道 | 西環 . 森美餐廳 | 《羆食堂》 @ hoghar.hk

今日好開心,好日都唔過海,竟然撞到主編夫婦朋友,原來嫂嫂辭咗中環嗰份工今日last day,佢竟然話咁啱撞到一於請我去食飯,我同佢老公諗緊有乜好食嘅時候,我突然記得當年喺水街返工嘅時候,坐小巴經過皇后大道西嘅時候,成日都會見到一個大大隻牛牛嘅霓虹光管招牌的森美餐廳,諗起好似就快結業,就嗱嗱臨走咗去西環鋸扒。

 

雖然呢個招牌最後喺2013年,屋宇署話係僭建物所以被清拆咗,好彩喺我面書同 IG 裏面都搵得返當年臨拆前影低嘅張舊圖

食一份本地老式扒房味道 | 西環 . 森美餐廳 | 《羆食堂》 @ hoghar.hk

 

羅宋湯~


因為成日無食嘢太肚餓嘅關係,侍應放低咗啲餐包時我即時鯨吞緊嘅時候,竟然嚟咗個我有生之年飲過最熱嘅羅宋湯!飲得出個羅宋湯啲蔬菜係分兩次落,煲湯嗰啲湯渣已經打碎晒,之後佢會加返一啲完整蔬菜落去,令到唔會好似食緊啲煲到爛晒嘅湯渣咁!完全係一般舊式香港扒房標準羅宋湯嘅做法!

 

法國田螺半打~

以$55 呢個優惠價嚟講呢個餐前小食過得去喇。牛油味完全覆蓋咗隻田螺嘅味道,殼裏便舊肉又唔算太大隻。好彩墊底嗰啲薯蓉都幾飽肚,係牛扒未到之前俾一個全日冇食過野嘅人有啲嘢落肚!

 

鐵板西冷牛扒(10安士)+ 森美汁~

大大件西冷扒配上薯仔、車厘茄同節瓜墊底,不過略嫌西冷太大條筋,肉味不算太濃,好彩呢間鋪嘅鎮店之寶 ~ 秘製汁救翻晒成個扒,不枉我加 $30 由黑椒汁轉做「森美汁」!乜嘢係森美汁?我喺網上搵到一啲關於森美汁嘅資料同大家分享:「想當年餐廳始創人葉聯先生創出先將油以猛火煮至出煙,之後落煙肉爆香,再加蒜蓉、洋葱粒、西芹粒、番茄粒、蘑菇及黑椒炒香,最後倒入燒汁與配料煮滾,並加入紅酒略煮,然後淋在牛扒上便可上枱。」比起坊間食牛扒一定要配上嘅黑椒汁,佢嘅層次簡直可以上到創界山嘅頂層!嚟呢間餐廳冇食過佢個汁真係唔好話嚟食個嘢!

 

鐵板鑊仔牛柳餐 + 森美汁~

切咗嫂嫂一舊牛柳嚟試,真心覺得雖然牛柳比西冷平,但係我鍾意食牛柳多啲!肉質鬆軟又有牛肉味加埋個餐廳秘製嘅汁真係冇得頂!

 

黑牛,雪糕紅豆冰~

餐飲除咗可以飲茶或咖啡之內仲可以加錢改啤酒,不過食得舊式扒房當然要飲特色凍飲,主編夫婦就分別叫咗黑牛同雪糕紅豆冰。黑牛非常正宗用本地朱古力雪糕加上可樂,最重點係連起泡呢個化學作用都有埋,不過可惜既係紅豆冰裏面嘅紅豆有啲硬。

 

後記:食飽飽埋單嘅時候同老闆娘傾開,原來佢哋因為業主賣咗個舖位出去之後,新業主又加到好貴租,所以佢哋會做到去 9月10號,之後去向仲係個誄謎。而大家如果懷緬一下就快啲把握時機喇!

食一份本地老式扒房味道 | 西環 . 森美餐廳 | 《羆食堂》 @ hoghar.hk

森美餐廳|西環皇后大道西204-206號地下

. .  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k