Menu & Search
蛋撻賣到起晒朵,不過… 九龍城.豪華餅店|《羆食堂》

蛋撻賣到起晒朵,不過… 九龍城.豪華餅店|《羆食堂》

豪華餅店

本熊少爺由初初出嚟做嘢開始,就有一個惡習,每次如果出咗去偷懶或者做完嘢,又差唔多三點三要返公司嘅時候,我總會走去買盒蛋撻,返公司孝敬啲喺公司冇得出去偷懶嘅人!今日我又揸住架車,有如譚炳文上身,…… 滑滑劣劣♪似豬膏咁白♪ 牛油蛋撻都無咁滑♪ 佢嘅迷人面珠♪ 我想錫一啖♪ 嘩⋯⋯味香滑甜似新鮮蛋撻♪ ……邊唱啲幾廿年前嘅歌,邊走去 豪華餅店 買蛋撻返公司。

並唔係我嘴刁,幾廿年前我得嗰幾歲大嘅時候,我阿嫲已經成日買蛋撻俾我食!塞豆窿嘅我會知道,無論慈雲山定係石梨貝,邊間茶餐廳幾點鐘有蛋撻出爐,同邊間最好味!如果食曲奇皮,我會叫我媽媽帶我去花墟對住旺角大球場嗰間聖安娜買俾我食!所以對於蛋撻嚟講,我諗我都可以稱得上為一個達人!

豪華餅店

蛋撻~

一心諗住作為幾廿年蛋撻賣到起晒朵嘅餅店賣,任何時間買都唔會難食得去邊,點知你太令我失望喇!無論酥皮定係曲奇皮,佢啲蛋撻都好一致地冇蛋香又冇牛油香!咁仲算係蛋撻咩?

 

椰撻~

椰撻係我另外一個飛佛,呢間餅店好成功⋯⋯佢成功令我以後都唔會幫襯佢嘅椰撻!雖然佢個椰撻唔算太甜值得一讚,但係點解佢唔太甜?最主要係因為佢個椰撻完全食唔到椰絲味囉!同埋食得出佢個椰撻應該係放咗一段時間!

 

後記:我買咗佢蛋撻同椰撻兩樣嘢,兩樣都完全唔係好得,玩百家樂就好囉,真係連中兩口!大嗱嗱八蚊一個蛋撻夠膽死咁嘅質素,仲要話周不時大排長龍,不過可能有人都會覺得呢個味道係 OK 嘅,但我就認為十幾廿年前我仲係一隻小熊嘅時候佢啲嘢食仲OK嘅!下次有機會真係要介紹俾大家邊度有好食嘅蛋撻!

豪華餅店

豪華餅店|九龍城衙前圍道136號

. . h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k  h o g a r h k .