Menu & Search
唔起眼但好好食 土瓜灣 . 阿妹小館|《羆食堂》

唔起眼但好好食 土瓜灣 . 阿妹小館|《羆食堂》

唔起眼但好好食 土瓜灣 . 阿妹小館 |《羆食堂》

今個禮拜唔知做錯乜嘢事⋯⋯好似做咗大眾嘅對象一樣,不論係喺入境處度做嘅嗰個冗員朋友、定係日本分部個,個都爆我搵我來做出氣袋!攪到呢個 moment 我要爆喇!搞到我即時喺公司不禁腎上腺飆升,失聲呼叫大聲唱出:「別講笑♪ 憤怒爆開了♪ 讓我爆開了♪ 火花正燃燒♪ 別講笑♪ 小鳥爆開了♪ 垃圾爆開了♪ 將一切換掉♪」……

當自己解決唔到問題嘅時候,留喺公司亂咁唱歌又有乜意思呢?即刻諗到要出去搵朋友食個飯傾下計⋯⋯其實俾人爆又有幾咁大件事呢?俾人爆唔駛食飯咩?即時捉咗主編朋友嗱嗱聲揸車落咗土瓜灣「阿妹小館」快食個午餐!

 

炸肉切肉金邊粉~

其實我叫呢一個金邊粉真係有啲豬!基本上個餸兩種肉完全係同一種肉,只係有炸同埋冇炸到嘅版本!切肉對於我來講好有親切感,佢係完完全全潮州人過時過節,拜神嘅時候嗰舊鹹肉,所以我由第一次嚟呢度食已經愛上!

 

炸肉牛腩米線~

切肉經過高溫油炸之後變得香脆可口,上枱時偷咗主編朋友一舊牛腩嚟食,唔知道係炆得唔夠淋定係呢度嘅特色,咬落去比較爽口!我個人偏向炆得夠淋嘅牛腩,所以我呢度都係會叫返炸肉食

土瓜灣 . 阿妹小館

切雞金邊粉~

一碗金邊粉點會滿足到我嘅食量呢⋯⋯所以我追加咗多一碗金邊粉!佢嘅切雞竟然有驚喜!係介乎鹹雞同白切雞交界嘅感覺,不太鹹又好味。阿姐仲因應我嘅要求俾雞胸我添!

 

後記:土瓜灣呢一間門面完全唔起眼嘅小店,同乾坤燒鵝一樣真係內有乾坤!鋪仔細細感覺好似唔太乾淨,但其實裏便啲嘢食真係幾好食㗎!每次我去土瓜灣十三街整車都會走過嚟食嘢。

土瓜灣 . 阿妹小館

阿妹小館|土瓜灣北帝街99號D地下

. h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k .