Menu & Search
《羆食堂》|新蒲崗.魚鱻魚湯專門店

《羆食堂》|新蒲崗.魚鱻魚湯專門店

收到老死贈我同太子哥嘅籃球衫,我開心到即時走去拎咗 Ricky 仔支私家咪唱起歌來:眼看你控球再上籃♪ 穿針一刻竟睜不開眼♪ 球場裡追逐♪ 從來沒有人♪ 這麼耀眼♪ 我敬仰眼神擦了板♪ 籃球員為何面孔這麼冷♪ 射出的電流♪ 如何地較準♪ 如男兒入樽不必撞板♪。慶賀佢公幹後返港,今日午餐一於由我嚟萬歲⋯⋯食好西!話說老死歡喜路德圍嗰間魚鱻最近喺新蒲崗開咗分店,今日餐晏我地走咗去試試。

 

椒鹽龍利球~
161009uma_01
薄薄嘅炸漿包住魚肉炸得啱啱好外脆內嫩!

 

招牌炸魚餅~
161009uma_02
用招牌鯇魚滑炸成嘅魚餅,淡淡魚香,不過小心好多碎骨!

 

自家製潮州炸魚片~
161009uma_03
賣相極似蝦片,浸落湯或者就咁食都好好味⋯⋯少少鹹,多多脆,飲啤酒一定要食佢!

 

皮蛋琵琶豆腐魚滑魚湯米線~
161009uma_04
魚湯比起荃灣店不夠魚香,少了一點鮮味有改善空間!魚滑彈牙有魚味但個琵琶豆腐就真係麻麻喇~

 

生炸雞翼魚湯泡飯~161009uma_05
拎了老死一隻炸雞翼嚟食入味,生炸嘅雞翼係真係唔同啲!

 

墨丸鯇魚腩米線~161009uma_06
老死同我都麻麻地好鯇魚腩,試鯇魚腩呢個重任就交由日本分部代為試味啦(由一個魚腩去試魚腩應該幾有公信力!),個衰仔話我聽魚腩鮮甜有魚味肉質又鮮嫩,配合魚湯米線天衣無縫!

 

後記:整體來講佢啲嘢食都好好味,除咗個魚湯淡啲有改善空間之外整體上都合格。唯一一樣不大建議食嘅就係佢個古法灼魚皮,如果鍾意食灼魚皮嘅話行多幾步去七喜會好味好多!

平均每人消費約$70

 

魚鱻魚湯專門店

161009uma_07
新蒲崗康強街15號地下