Menu & Search
食年夜飯 蓮香樓・中環|《羆食堂》 |hogar.hk

食年夜飯 蓮香樓・中環|《羆食堂》 |hogar.hk

食年夜飯 蓮香樓・中環|《羆食堂》


剛過去年尾 hogar.hk 聯同附近其他友好公司,一大班「新蒲崗街坊福利康樂文化聯誼小組」約齊人腳浩浩蕩蕩出城,過對面海食年夜飯。

八寶鴨~


鴨殼拆過再釀入蓮子、冬菇、栗子、綠豆、鹹蛋黃、銀杏、鴨肉等材料,絕對係功夫之作!但算我愚昧,感覺上我覺得似一隻鴨型嘅裹蒸糭多啲!

 

炸鯪魚球~


新鮮炸起的蜆蚧鯪魚球,熱辣辣一啖一粒。但係個人認為落一條街嘅羅富記個蜆蚧鯪魚球仲好味啲。

 

琵琶豆腐~


呢一味餸其實真係冇乜機會輸,簡直係去到本熊少爺晚飯龍虎榜老少咸宜頭三甲!

 

醬燒骨~


呢一個醬燒骨係一個類似東坡肉同埋外婆肉嘅一舊炆豬肉,入口即化肥肉位唔會令人覺得肥膩!

 

金錢雞~


同自己健康過唔去嘅一餐,又點少得呢一個金錢雞,由一塊瘦豬肉、一塊雞肝及一塊肥豬肉組合而成,一咬落去成浸老香港燒味檔嘅味道出晒嚟!

 

杏汁豬肺湯~


席間有人唔知係搞事定係搞笑,夠膽死話煲湯係落咗杏仁霜,主編好友即時糾正呢個人係用杏仁磨打碎成粉,煲豬肺所以有杏仁味!呢個湯可算係近年我飲過最好飲嘅杏汁豬肺湯!

後記:我敢寫包單呢一餐飯在座咁多位,應該食咗呢餐之後膽固醇指數會幾何級飆升!不過呢啲飯一年先食得嗰一兩次,,唔係大量食長期食應該對個人健康唔會造成太大影響嘅⋯⋯

蓮香樓|中環威靈頓街160-164號