Menu & Search
奶茶水準依舊 豪華咖啡茶廳・灣仔|《羆食堂》

奶茶水準依舊 豪華咖啡茶廳・灣仔|《羆食堂》

前兩日同好友趷趷剛晏晝走咗去食任飲任食嘅放題,飲咗大量劣質清酒個頭痛咗我足足兩日!之後兩日都要過灣仔做嘢,英皇隔離呢間豪華成為本熊少爺一大清早空肚食嘅第一餐!


奶茶水準依舊 豪華咖啡茶廳・灣仔|《羆食堂》 |hogar.hk

前兩日同好友趷趷剛晏晝走咗去食任飲任食嘅放題,飲咗大量劣質清酒個頭痛咗我足足兩日!之後兩日都要過灣仔做嘢,英皇隔離呢間豪華成為本熊少爺一大清早空肚食嘅第一餐!

 

豬扒好惡哽 豪華咖啡茶廳・灣仔|《羆食堂》 |hogar.hk

豬扒蛋出前一丁、茶走~

話晒想當年我都係喺灣仔返工,呢間嘢都算係我其中一個蛇竇。閑時蛇王都會走落嚟食返個豬扒麵加杯奶茶,但係冇嚟一排好似去咗第二個平行時空嘅同一間鋪頭一樣!件豬扒史無前例咁鹹,唔知係遇有失手定係乜嘢原因⋯⋯最終都食唔晒件豬扒只係食咗碗雞蛋出前一丁!我終於明白啲人話豬扒好惡哽係點解喇!反觀杯奶茶水準依然做得唔錯!

奶茶水準依舊 豪華咖啡茶廳・灣仔|《羆食堂》

蛋牛治烘底、茶走~


之後一日諗住比多次機會佢,要食多次豬扒就真係無乜可能,不過以前佢個蛋牛治烘底都係我非常喜歡的。點知一拎到面前真係仲黑過我塊面,個麵包面燶晒,我知道投訴都係無用,刮走個面放入口好彩味道無乜影響,個蛋煎至香口同個咸牛肉都仲係當年味道,不過我真係接受唔到烘燶都仲可以上檯囉。

奶茶水準依舊 豪華咖啡茶廳・灣仔|《羆食堂》

後記:類似嘅一番說話我記得早喺唔知幾時之前我都寫過一次⋯⋯而家嘅灣仔如果想搵返啲間似啲樣,又食得到以前食過咁好食嘅地方,真係非常困難,其實每一次過到灣仔一諗,要食乜嘢我都好懊惱。

 

豪華咖啡茶廳|灣仔莊士敦道226號