Menu & Search
由北京而嚟嘅烤鴨店 羲和雅苑・尖沙咀|《羆食堂》

由北京而嚟嘅烤鴨店 羲和雅苑・尖沙咀|《羆食堂》

由北京而嚟嘅烤鴨店 羲和雅苑・尖沙咀|《羆食堂》


朋友有如陳年干邑,隨着時間嘅洗禮會變得越嚟越了解大家!今個禮拜我約咗兩個識咗成廿年嘅朋友,高高興興出尖沙咀聚下舊,當晚我哋三個嘅行動代號係『北京填鴨』!走咗去食一間由北京而嚟嘅烤鴨店!真係想知北京開到落嚟嘅烤鴨店究竟好唔好味?食過就知道呢間鋪頭帶咗幾多國內烹飪功夫落嚟!

開胃黑醋雲耳、川汁青瓜球~


雲耳中規中矩冇乜特別。最特別係個青瓜球!青瓜粒比完全冇味嘅魚膠包住,要靠外邊嘅類似紅油汁吊味,但係魚膠面完全吸唔到個汁,所以只係食到一浸好清新嘅青瓜味!(各 $38)

 

宮保大蝦球~


六隻炸得好香口嘅大蝦放咗喺一個好大個嘅石盤𥚃面。佢個汁嘅味道做得唔錯幾好味,雖然有好多辣椒喺度但係一啲都唔辣嘅,我諗佢係為咗適應大部份香港人唔食辣嘢啦!不得不提最神奇係佢竟然用個薄薄嘅炸粉面完全封鎖咗隻蝦!醬汁完全入唔到隻蝦度,搞到隻蝦完全冇味道!($118)

 

羲和小肉餅~


呢一個小肉餅都算係幾特別,豆沙鍋餅咁嘅皮包住一啲類似薄切四川臘肉,但係真係唔係好啱我嘅口味囉!完全唔覺得好味!($36)

 

梅菜乾煸玉豆~


梅菜冇梅菜嘅香味,完全一碟普通炒玉豆冇分別,我諗如果佢落啲大陸嘅辣椒醬攞嚟炒,應該會好食好多!($88)

 

八鮮鍋巴~


所謂八鮮完全同鍋巴夾唔到, 醬汁都唔多滴嘅八鮮有八鮮味⋯⋯但鍋巴堅持自己無味就無味, 仲要好堅硬真係咬到牙都痛埋!好彩有叫壺鐵觀音,用嚟點茶食, 好似食緊暴暴飯焦咁更有風味!($138)

 

馳名烤鴨~


六舊水一隻招牌北京填鴨,切出嚟得三碟細細碟嘅皮同埋肉,仲要教我分開三種唔同嘅食法!第一種係鴨皮配咗藍莓醬爆炸糖、第二種係鴨胸位置配秘製芥辣醬、第三種係傳統用甜醬、青瓜、京蔥用薄皮包住嚟食!第一種食法藍莓醬太甜!包爆炸糖喺包裝裏便已經有少少受潮,開出嚟點第一片鴨皮令到啲爆炸糖痴得更加勻循!同埋用爆炸糖有少少多餘!可能點砂糖我覺得會更加好!

真心講第二種嘅秘製芥辣醬都算係幾好味,個芥辣醬酸酸甜甜配上鴨油唔覺肥膩。第三種食法係一般嘅食法亦都唔需要多講,只係包鴨嗰塊皮好厚食落有少少黐牙。不過最令我費解係,一隻六舊水嘅鴨會幾冇鴨香,就連最基本嘅調味都冇!需要係用佢嗰三個醬汁令到隻鴨有味,咁即係話我求其叫佢俾啲醬攞嚟舐已經食到個味道啦,使鬼咁貴叫隻鴨咩?($598)

 

蜜汁脆芋絲~


全晚我諗最好食嘅係呢一個芋頭絲!炸到香脆嘅芋頭絲面頭仲要有一絲絲嘅拔絲!真心講真係好好食!($58)

 

芝麻香餅~


最後冇可能唔睇埋佢個芝麻香餅。無論造型同埋口感都根本係一塊狗餅!唔使質疑,我係有偷食過狗餅,所以知道狗餅係點樣嘅口感!食落去漿口得嚟又好痴牙,食完一件之後搞到喉嚨好乾好想飲好多水。臨走前,我要飲咗幾杯茶先至解到口渴呀⋯⋯陰公!($36)

由北京而嚟嘅烤鴨店 羲和雅苑・尖沙咀|《羆食堂》

後記|呢一間咁嘅餐館除咗個裝修較為見得下人之外,真係無論食物同服務態度都真係好有問題!預早幾日 book九點半枱,當晚九點鐘嚟到佢叫我哋出海邊坐喺度等,等到九點半佢竟然話因為裏便所有食客唔肯埋單所以冇枱。我明白做食肆冇可能客走,所以一直等到 22:10 先可以入去,侍應竟然同我講已經 last order,叫我即刻叫嘢食佢哋收十一點鐘,雖然佢話可以比我食埋先走!我即時打個突,既然都已經知道自己餐廳收十一點鐘,何必仲俾個食客走入嚟時食呢?

係我急急腳叫嘢食嘅時候,喺門口有啲嘈吵聲,事緣有一啲同我一樣訂咗位但冇枱俾佢哋嘅人喺度鼓譟!事件擾攘咗幾分鐘先完結,峰迴路轉嘅事情發生!一個一望就知係高層嘅男人竟然走出去歇斯底里咁樣鬧到個知客不斷喺度飲泣!我覺得插啲下屬可以收工之後冇客人喺度先至插!冇需要好似做俾人睇咁樣令人感覺好反感!


而係我隻片皮鴨剛剛上枱嘅時候,佢竟然拎張單叫我埋單,我一望有幾個餸冇落到單,我即時反映而個經理亦都好識做地話,即刻趁廚房未收煮返俾我,兼夾免茶芥仲送埋楊枝甘露,同埋全單九折俾我,但我其實唔係需要呢啲囉!而係啲漏單嘅餸菜送到嚟而我又狼吞虎嚥速速食緊嘅時候,漏咗我單嗰個大叔竟然企正我背脊,不耐煩地橋埋隻手俾壓力叫我食快啲。難聽啲講句我唔係冇俾錢,如果你真係趕住收工,我覺得直接我講入唔到去已經截單或者咁樣仲會好少少!

由北京而嚟嘅烤鴨店 羲和雅苑・尖沙咀|《羆食堂》

羲和雅苑|尖沙咀海港城海運大廈 2 樓 OTE203 號舖

. . h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k