Menu & Search
石磨幼滑口感 友口馥 ・ 大埔|《 羆食堂 》

石磨幼滑口感 友口馥 ・ 大埔|《 羆食堂 》

石磨幼滑口感 友口馥 ・ 大埔|《 羆食堂 》 早前有個朋友同我講,佢發現本熊少爺都真係幾鍾意食腸粉,我同佢講好話唔好聽細細個已經喺牛下球場邊粥檔食腸粉,食到老細都熟絡埋,到大個咗剛買咗車嘅時候,又會成日揸架車去佐敦渡船角堂記腸粉,食碗豬骨粥配碟燒鴨腸粉做宵夜,我嘅人生同腸粉又點會拉唔上關係呢?不過近年好味嘅腸粉舖越嚟越難搵!不過早前竟然俾我發現大埔都有一間唔錯嘅選擇!


石磨幼滑口感 友口馥 ・ 大埔|《 羆食堂 》

早前有個朋友同我講,佢發現本熊少爺都真係幾鍾意食腸粉,我同佢講好話唔好聽細細個已經喺牛下球場邊粥檔食腸粉,食到老細都熟絡埋,到大個咗剛買咗車嘅時候,又會成日揸架車去佐敦渡船角堂記腸粉,食碗豬骨粥配碟燒鴨腸粉做宵夜,我嘅人生同腸粉又點會拉唔上關係呢?不過近年好味嘅腸粉舖越嚟越難搵!不過早前竟然俾我發現大埔都有一間唔錯嘅選擇!搞到我成日一得閑就會揸咗架車入去大埔食腸粉,間鋪叫「友口馥」。

豬肉蛋腸~


腌尖嘅我真係冇得再挑剔佢個腸粉!完全係我北上食嗰種口味!呢度啲粉漿先用石磨磨到好幼滑,再放喺竹篩加入材料蒸熟,蒸出嚟嘅腸粉好熱同埋好滑!

 

豬潤鮮蝦腸~


我嚟親呢度都一定要食兩碟腸粉先夠飽,第二碟我多數會食多碟豬潤加蝦,兩者加埋真係好好味!周不時我都會推介呢一個配搭!

 

後記:腸粉豉油用上保溫壺嚟裝暖暖地唔會整凍啲腸粉值得一讚!但喺最後我呢隻火爆熊又係要鬧嘅時候喇!多口同事頭婆吹開水,問佢點解突然間嗰啲碗碗碟碟全部換上即棄嘅外賣膠盒,關唔關只可以用小食牌出唔到牌!佢竟然話:香港政府話因為廚房有個石磨唔可以出到牌俾佢!所以呢間舖就變咗做立食店!其實有關部門做嘢可唔可以唔好咁死板,搞到好似要搵啲小店嚟開刀咁樣!

 

友口馥|大埔北盛街23號瑞安樓地下3號舖