Menu & Search
上海三日兩日 其之三 又係食.食.食|《羆食堂》

上海三日兩日 其之三 又係食.食.食|《羆食堂》

上海三日兩日 其之三 又係食.食.食|《羆食堂》

除咗食,呢個旅程我都行去睇咗好多上海大亨年代嘅建築物!我仲走咗去上海嘅時代廣場,睇下有冇好似拾荒者嘅研究生。點解香港唔可以好似其他城市咁樣,新嘅建築物同啲有歷史價值嘅建築物共同在一個城市裏面呢?總之乜嘢舊樓三句唔埋,就話要拆晒佢比地產商發展,其實見到都幾可悲!所以如果冇乜假期又想離開香港快閃一個旅行,上海都不失係一個好選擇。

 

唔好講啲咁唔開心嘅嘢我哋繼續睇下上海有乜嘢食物令我一試難忘好過啦⋯⋯

上海三日兩日 其之三 又係食.食.食|《羆食堂》


 

辣府・雲南南路店

短短三日兩夜嘅行程,我竟然連續兩晚都係凌晨兩點幾走咗去同一間火鍋店打邊爐,食到差不多天光先至返酒店,就知呢間嘢有幾咁堅喇!基本上佢個麻辣湯底唔係死辣,好香好好味令我一試難忘。最特別係佢個湯底拎過嚟嘅時候,竟然有一隻貌似 TVBuddy 嘅辣油凝固體企咗喺個火鍋中間!

其實啲人話大陸食麻辣火鍋回家罌粟殼令到人上癮我懷疑都可能係真嘅!佢啲火鍋配料我最欣賞嘅,就係每碟都擺得好精緻,牛脷砌到玫瑰花咁樣上碟,羊架連骨用機刨到好薄只要係咁以擺落鍋度焯一焯就已經熟透!同埋佢個鴨血拼豆腐上枱嘅時候竟然成粒扭計骰咁樣擺出嚟,我都俾佢嚇咗一跳!

呢一間火鍋店我一定會向我周邊所有朋友誠意推介!差少少唔記得講,第二晚我再去幫襯嘅時候,啱啱落緊雨,點知埋單嘅時候店小二竟然俾咗個落雨折扣我添,本來張單千三蚊,打折後平咗三舊水,一千人仔就肚滿腸飛落到樓!

辣府・雲南南路店|人民廣場雲南南路180號(近淮海東路)


 

佳家湯包・人民廣場

一直聽好多人講,嚟到上海一定要試呢一間嘅小籠包,呢間鋪第一個印象俾我覺得使唔使排咁長龍呀?我足足等左40分鐘先至有位⋯⋯入到去我分別叫咗純蟹粉小籠(¥99 六隻)同蟹粉鮮肉小籠(¥30 十二隻),開頭諗住加左豬肉嘅鮮肉蟹粉平咁多會唔好味,但豬肉混合咗大閘蟹兩者配合得天衣無縫,純蟹粉勝在分量十足!

整體來講兩隻小籠包都好好味。話雖如此,之但係其實如果要排咁耐隊嘅話,仲要坐得唔舒服,我覺得旅行嘅時間仲用嚟排隊唔係咁值得!我得出嘅結論就係,如果作為一個遊客真係可以嚟食,但係就要預備定充分嘅時間嚟排隊!其實大家可以喺排隊嘅時間,幫襯之前同大家提過,對面舖嘅小楊生煎買一客原味生煎包打包,過嚟邊食邊排隊!

佳家湯包・人民廣場|人民廣場黃河路90號(近鳳陽路)


 

晶採軒|靜安

嚟到最後不得不同大家介紹一下粵菜酒家⋯⋯大家冇聽錯,我竟然其中一晚嘅晚餐係去咗食一間粵菜酒家!當晚雖然食咗好多嘢,包括:東坡肉、鮑魚飯等等等等⋯⋯但全晚我最想同大家講嘅,係呢間酒樓嘅花雕大閘蟹(¥88)同花膠湯(¥168)!

呢度個花雕大閘蟹真係做得十分之出色,酒嘅香味唔會太搶,花雕調出嚟嘅味道略帶一點清新嘅梅香,完全帶出到僅僅熟嘅凍蟹裏面啲蟹肉嘅鮮味!我諗我可以跨啲講句,係我食過最好味嘅醉蟹頭五位之一!不過嗰個花膠湯,真係同飲緊一啲有色有少少味嘅烚豬肉水冇分別囉⋯⋯完全冇鮮味亦冇任何味道!碗花膠湯嘅價錢差唔多夠食兩隻大閘蟹咁滯!如果我知道差得咁緊要,我就食多兩隻大閘蟹好過!所以呢一間酒樓大家去到上海有時間食下都冇問題,整體上啲嘢食都好好食,當然係除咗個花膠湯喇!

 

晶採軒・靜安|靜安南京西路1601號芮歐百貨3-4樓

上海三日兩日 其之三 又係食.食.食|《羆食堂》


後記|三日兩夜上海之旅,我都唔知自己食咗幾多餐,總之返嚟我嘅體重一條直線咁樣反彈返上去!其中一晚食完花雕大閘蟹之後,我仲走咗去外灘蒲 jazz bar 添,現今香港已經好難搵到啲淨聽音樂又要好聽嘅酒吧,所以今次喺上海見到呢間酒吧都是幾喜出望外!

爭啲唔記得同大家講,如果去到一定要走去便利店,睇吓搵唔搵到一隻老式酸奶雪條,本來我對喺大陸食雪條真係冇乜膽量去試,但本少爺拚住戰戰兢兢嘅心情去咬咗一啖,之後發覺真係好好食,所以真係要極力向大家推介呢一隻雪條!返到嚟香港食唔到㗎!

. . h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k