Menu & Search
上海三日兩日 其之一 黃浦.阿鑫麵館|《羆食堂》

上海三日兩日 其之一 黃浦.阿鑫麵館|《羆食堂》

上海三日兩日 其之一 黃浦.阿鑫麵館|《羆食堂》

啱啱過去嗰個周末,匆匆忙忙地離開咗香港上咗上海三日兩夜「出Trip」,我呢一個上海嘅過客除咗當中幾個鐘頭係做嘢之外,其他時間我都係食、食、食⋯⋯同埋食!嚟緊我諗住連續兩三個禮拜,會同大家分享一下我喺上海食過或者見過嘅一啲所見所聞,同大家睇真啲啲⋯⋯今集去食阿鑫麵館。

海三日兩日 其之一 黃浦.阿鑫麵館|《羆食堂》

當我第一日一抵埗上海已經差唔多五點鐘,由機場出得到去黃埔區酒店,放低行李已經係晚飯時間!約咗一個由香港北上發展嘅客人朋友食晚飯,佢竟然帶咗我去一間極之唔起眼嘅麵館,第一眼望落去我心裏面不期然暗罵了一句:「幹⋯⋯我山長水遠坐飛機嚟到上海搵你,你竟然帶我食街邊麵舖!」但係入到去坐低食咗第一啖之後,真係即刻會對自己呢個想法完全改觀,仲令到自己第日會再走嚟幫襯多次添!

 

 

一品蟹黃麵~

一間舖頭仔竟然夠膽死開呢個價,計返差不多港幣兩舊水一碗麵,我就睇下你有幾巴閉!跟足同行客人朋友教我咁樣加少少醋撈勻佢嚟食,竟然可以好食到好似有隻大閘蟹喺個口腔裏邊打橫行來行去咁樣!據了解呢碗麵,已經有一隻大閘蟹嘅份量蟹膏同埋蟹肉喺呢度,但略嫌分量唔算多!(¥168)

 

炸豬扒~


我諗香港而家真係好難搵到啲咁好味嘅炸豬扒,佢嘅鬆軟程度,可以媲美想當年新蒲崗爵祿街公爵酒樓嘅炸豬扒!(¥15)

 

四川炸醬麵、咸蛋黃獅子頭、鹵蛋~


行程嘅第二日我自己一隻熊再次嚟呢度試埋其他佢嘅嘢食。今次叫咗個十份一價錢嘅炸醬麵,但份量俾蟹黃麵多,味道仲要唔差,辣到十足!(¥17)
鹹蛋黃獅子頭裏邊有一整個嘅鹹蛋黃蛋味道不過不失!(¥15)
滷蛋鹵得好夠時間好入味!(¥3)

 

後記:呢一間麵店確實有佢過人之處,作為一個遊客值得走去試一試!我呢個客人朋友帶我嚟呢度食好西真係唔話得⋯⋯食飽之後仲同佢返咗佢公司飲住啤酒,食佢啲私人珍藏養咗喺補濕盒兩三年嘅靚雪茄!不過佢公司出邊嗰間酒吧自家制嗰啲咖啡味手工啤,真係唔多啱我口味,飲落去似飲緊跌打酒加豉油嘅感覺。但係酒吧環境真係無得輸,空間感夠晒寬敞令人感覺好舒服!

上海三日兩日 其之一 黃浦.阿鑫麵館|《羆食堂》

上海.阿鑫麵館|上海市黃浦區淮海路中段雁蕩路21號

. . h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k h o g a r h k