Menu & Search
《有圖先傾》家電世界 -151101

《有圖先傾》家電世界 -151101

Mr_Bluto

 

早上七點,就俾個鬧鐘嘈醒,禽晚開住部空氣清新機先訓,果然訓得好舒服,不情不願下起身,走入廚房,沖杯咖啡,烘件多士,轉身再衝入洗手間,拎起電動牙刷,刷刷刷刷刷…;之後到鬚刨,剃剃剃剃剃…,搞得七七八八,先醒起禽晚洗衣機仲有大堆衫未搞,好彩有乾衣機,之後仲要吸埋塵、整定熱水先返得工…。

以上情節,絕對熟口熟面,你又數唔數到,當中有幾多樣要用到家電幫手?證明家電已經是你我生活之中,不可或缺的一部份,既然咁重要,點解上網可以睇新手機、新相機、新tablet之時,仲未有地方可以俾你睇新家電資訊?因此,這正是hogar.hk的出現原因,以後,你可以在hogar.hk搵到所有關於家電的最新消息,小至電動牙刷、鬚刨,大至空氣清新機、風扇、電視機。

大家好,我叫布魯圖,以後會繼續在這個專欄《有圖先傾》出現,多多指教,多多支持。

0 Comments
Leave a Comment