Menu & Search
《有圖先傾》真係無得做?-151114

《有圖先傾》真係無得做?-151114

早幾日,正是所謂的光棍節,一眾單身人士點慶祝?無考究,布魯圖只知是商家們為做生意而搞的噱頭,尤其布魯圖向來對「光棍」二字同「騙徒」畫上等號(你唔係無聽過「財到光棍手」下話?),即是話騙徒節,有乜好慶祝?

不過,單身人士其實的確市場龐大,睇睇專為單身人士而設的日本電器品牌Recolte,生意愈做愈好,產品愈出愈正,不單是日本本土,就連台灣市場亦非常出色,由多士機、咖啡機、飯煲及水壺等,無一不熱賣,營業額比上年增長25%。

而Recolte的成功,是否證明家電市場相當蓬勃?睇來又未必,據報,日本東芝家電部門業績慘不忍睹,2015年中期業績,營收4350億日元,比去年下滑25%,現時東芝已經徹出北美的電視市場,中國市場亦轉交由TCL營運,部門正為重組而努力,但外界睇落並不樂觀,甚至有賣盤之聲傳出。

事實話俾我地知,好多事並非無得做,只是睇你點做,轉身轉得慢,去到邊都死。