Menu & Search
《羆食堂》 | 車仔麵@明記麵食

《羆食堂》 | 車仔麵@明記麵食

一個百無聊賴,成日諗緊食乜嘅人寫專欄,《羆食堂》同大家分享一隻熊嘅搵食地圖。 【網址】http://www.hogar.hk/column/160207-uma/ ‎


初嚟報到大家多多指教,嚟緊小弟同大家捐窿捐罅去搵食尋味。專欄初次登場,為大家介紹一啲回憶嘅味道⋯⋯車仔麵!其實現今嘅車仔麵舖嘅食物五花八門,你食得落來一客十八羅漢(一次過 18 餸嘅麵)也隨時可以食到。但兒時回憶中所食嘅嗱喳麵其實尤如食神史提芬周整嗰個情比金堅套餐一樣,來來去去都係嗰幾種配搭豬紅、豬皮、豬大腸、蘿蔔、魚蛋已經好滿腹了⋯⋯

160207-uma-02
早兩日有隻熊百無聊賴去咗太子辦年貨,逛下逛下到了弼街發現又係時間醫醫肚,但嗰間出名菠蘿油同雞批嘅茶餐廳已經好耐冇幫襯啦!突然記得大約廿多年還在太子讀書時會吃一間嗱喳麵店,一於走去食個麵醫肚。

一入店內發現完全無裝修過保留了舊式小店的原汁原味,店內一邊半開放式廚房,另一邊牆邊一張過嘅長檯同高櫈,夠晒原汁原味。排隊叫麵我選擇油麵、豬紅、豬皮、豬大腸、蘿蔔、魚蛋、魷魚經典嘅配搭。

整體上評語係一啲傳統嘅味道,份量足。雖然豬紅係用咗雜紅(坊間已經好難搵到真正嘅豬紅)但入味得嚟嫩滑沒有過火,抵讚!

明記麵食160207-uma-01
花園街 174 號地下(弼街近新世紀天橋)