Menu & Search
音樂無處不在 「我們的音樂」亂入 hogar.hk

音樂無處不在 「我們的音樂」亂入 hogar.hk

登!登!登!登! 「我們的音樂」(OurMusic.hk) 好榮幸可以係今日,就係今日,以自己方式加入 hogar.hk 嘅專欄啦! 點解會咁騎呢,音樂會出現係「香港第一個潮流品味家電網站」到呢? 因為音樂無處不在囉!


登!登!登!登!

「我們的音樂」(OurMusic.hk) 好榮幸可以係今日,就係今日,以自己方式加入 hogar.hk 嘅專欄啦!

https://www.youtube.com/watch?v=lu44_OZnw9A

點解會咁騎呢,音樂會出現係「香港第一個潮流品味家電網站」到呢?
因為音樂無處不在囉!

試諗下你就會知,遠到剛剛離開我哋嘅 David Bowie、Motörhead 主音 Lemmy
(嗚)…. 商場廁所、大時大節食大餐嘅背景音樂,近期好多未聽都知佢上台會多謝邊個嘅
頒獎典禮,仲有聽完都唔知佢實際上噏嘜嘅分獎典禮,地鐵火車宣布又壞車之前果段令人討厭嘅鈴聲,仲有近期不得不提係 TBB 廣告時間每半個鍾就一定出現嘅煩膠「啦喇啦喇」
雪印奶粉廣告都係一種音樂表達。

▲雪印呢個奶粉廣告係第一個可以令我對日本風動畫生厭嘅作品…. 真係要畀個叻字你!

 

無論聽到「登登登登」之後係你腦入面響起嘅係貝多芬嘅《第5號交響曲》,定係香港 90 先代標誌之一嘅《Only You (Can Take Me 取西經)》都好,:因為音樂只有分「好」同「唔好」,所以全部都係不折不扣嘅音樂!

ourmusic-split-screen

▲睇落以為一入到 OurMusic.hk 幅全熒幕圖係亂咁嚟:睇真啲先發現原來係唔同嘅隨機 Album Cover 嚟,得閒嚟隨手 F5 下,可能會執到好嘢都唔出奇!

 

無論大家鍾意聽流行樂、搖滾樂、古典樂、藍調、爵士樂、靈魂樂、獨立音樂定係如 OurMusic.hk 負責人嘅摯愛金屬樂,都希望大家可以係呢到接觸到更多自己會喜歡嘅音樂~~

你問「我們」,我們都唔知有無機會可以將「唔好」嘅音樂拉到上「好」嘅層次,但我們可以做到嘅係將好音樂推到大家面前;如果你戴埋耳機,仲可以襟一下 Play 就將好音樂帶埋入耳~

ourmusic-cover-1

 

The Dark Side of the Moon (1973) – Pink Floyd

 

雖然未必可以將音樂變晒做「好」,但到少都可以提升下大家對音樂嘅要求,得閒買一隻半隻碟去支持下自己真心鍾意嘅音樂人,咁大概就可以「良幣驅逐劣幣」啦。

再介紹落去都無意思,因為啱啱訓醒無耐,已經講到口水乾啦。得閒咪嚟 hogar.hk 或者 OurMusic.hk 八卦下有咩得意嘢。幾耐先會有一篇新文出現?唔知㗎,希望在明天啊嘛,睇下邊日心情好囉~

我們都是廢青,所以都剩係識呢啲㗎咋.. 我係廢,吹咩?我廢得起~

只因為 Music is Our Religion.