Menu & Search
《分域碼頭》 原汁海鮮鍋 | 20160103

《分域碼頭》 原汁海鮮鍋 | 20160103

唔用水都其次,最緊要食啖鮮味!


其實開始有少少怕出街食飯,尤其是大時大節無位又無乜選擇。做咗三次節食到有少少滯,不過新年又想食餐好少少,所以再懶都好,還是自己出手,用鑄鐵鍋煮一個無水蒸海鮮。

材料:花蟹、花甲、蘿蔔、冬瓜、雜菇、薑片

160103-lf-01

第一層:先鋪好蘿蔔底,其實有人會切薄片,不過我比較喜歡3-4cm厚最好。只要清洗好刨好皮即可,買蘿蔔最好選重手一點的,因為水份比較多,這是鍋中水份的最大來源。

 

160103-lf-02

第二層:我會用冬瓜,因為今次想多一點湯,冬瓜水份最多而且夠清淡。由於要當成蒸架。同樣刨皮去芯再切大粒,不過兩種材料偏寒涼,如果怕涼又或者有咳可以加薑片。

 

160103-lf-03

第三層:花甲比較易熟,所以放中層中間位置會比較好,如果不喜歡貝殼食品,其實落蝦或者其他肉類都可以,如果想肉身比較軟滑的話可以放這個位置。

 

160103-lf-04

第四層:最頂當然是放主要食材的位置,今次放頂的花蟹大約 12 兩左右,如果想湯甜一點可以搵水蟹,但不太建議太厚身肉蟹,因為煮熟的時間不同,有可能出現其他食物過熟的問題。

 

160103-lf-05

煮法:其實這煲的做法不過洗洗切切,不用加任何味道,原味鮮味為主。擺好食材之後放上煲蓋開火,先用猛火加熱到煲外亦感覺熱之後,就轉細火即可,時間視乎食材而定,一般 15-20 分鐘即可。

 

160103-lf-06160103-lf-07

另外今次加了一舊鱈魚,想增加一點肉食,如果用野生的好一點,肉不易散開。如果唔食海鮮亦可以改為其他肉類,如果用豬或鴕鳥肉會比較易掌握時間,如果易熟的話,最好就用易熟的配料。除了層次之外,擺位亦可留意,如果有對流位置,對煮熟食物會比較好,今次我用 26cm 鍋,因為太多料而抽起部分菇類,還有要留點位給熱力上升到頂。至於是否一定要鑄鐵鍋?其實用不鏽鋼煲一樣得,夠密氣為主。