Menu & Search
《分域碼頭》 燒.柑|151220

《分域碼頭》 燒.柑|151220

食維他命丸,不如燒個柑食


如果有睇日本動畫漫畫的人,都可能留意到日本人冬天最鍾意被爐同柑,無論睇小丸子、小新、大雄、花師奶甚至藤子不二雄所有作品中,都幾乎一定出現過這重要場面,不過無論你有幾鍾情日本文化,香港分分鐘一年用被爐的日子都唔夠十日,不過柑,這幾年的確食多咗。

151220-fl-01

先唔講-膳食纖維、維生素C與礦物質、防癌抗癌、袪痰止咳平喘、降壓降脂、預防心血管疾病、肥胖及糖尿病等中西醫學報告,就以日本果樹研究所的公佈指出,多吃柑橘可預防肝臟病和動脈硬化,當中含有豐富的類胡蘿蔔素,類胡蘿蔔素在人體血液中濃度越高,肝功能就越正常,而患上動脈硬化的危險就越低。

151220-fl-03

食柑似乎百利而無一害,不過我教多大家一招就係「烤柑」,做法好簡單,只要為柑略為加熱即可,你可以用預熱的多士爐焗3分鐘,又或者用火槍加直接在表皮燒幾分鐘,如果你無以上兩樣器材,都可以用溫水略浸片刻。好處?當然是加強維他命C的效果,而且可以增強免疫力及治咳嗽,台灣人說只要打開柑頂加鹽再燒,除了可以有以上效果外,更可以止咳化痰,都算是簡單又大成效。

151220-fl-02

而且,酵素在溫度稍高的情況下會更活躍,可以令柑更甜,而以上做法亦可以用在橙身上,但如果論效果還是柑勝一籌,而且柑皮更可以曬製果皮,分分鐘因為曬陳皮而發達,如果有興趣不妨試試。