Menu & Search
《有圖先傾》買洗衣機 要識「度」水

《有圖先傾》買洗衣機 要識「度」水

買洗衣機有咩要諗?睇樣睇size之餘,有一樣野更加要諗…


買部洗衣機,你會以甚麼為考慮條件?相信以香港人飽受土地問題的困擾,排序條件應該是體積為先,其次就是外形、衣物容量、功能等等,之不過,仲有一個條件,好重要,但係又好少人會去考慮?無錯,就係耗水量。

雖然,不少洗衣機生產廠都標榜自己部機有幾慳水又慳電,而據調查,一個四人家庭的每月用水量,有兩成是由洗衣機使用,如果洗衣機可以慳水,效果肯定好過叫你沖少一分鐘涼。
日前,台灣經濟部就為直立式及滾筒式的洗衣機,進行耗水量測試,認為直立式洗衣機,由於操作原理是透過水流,將衣物浮起,繼而利用旋轉來進行洗衣過程,所以水位必須高過衣物,耗水量超勁;而滾筒式洗衣機,只利用高低旋轉原理,加上滾筒已能令衣物「自滾」,毋須利用水流,所以用水量及潔衣液都明顯少好多,再講多樣,台灣方面2013年調查顯示,直立式洗衣機的平均耗水量,是16.4公升,而滾筒式洗衣機,只是8.3公升,睇完,應該識點揀啦。

samsung-ww10h9410ex-nq_003_r-perspective-open_inox