Menu & Search
《有圖先傾》天寒地凍去玩「水」

《有圖先傾》天寒地凍去玩「水」

《有圖先傾》原來水都分好多種,究竟呢隻水有咩咁神奇?


布魯圖向來對水都無乜感覺,甚麼礦泉水蒸溜水能量水鑽石水,同布魯圖個名一樣,網名黎嘅啫,之不過禽日去完一個講「功能水」嘅示範會,的而且確,對水,有少少改觀。

去得示範會,當然聽「功能水」有幾好有幾勁,抗氧化、礦物質、微量元素、鹼性兼去除重金屬及農藥等,有病醫病無病強身,齋講,點夠吸引力,一於玩示範,前前後後十一個示範,分別用自來水、樽裝水及「功能水」等大比併,首先用不同水浸吓乾貨、浸吓米,用功能水所浸的木耳,的確臭好多,據主持所講,因為將農藥浸咗出嚟(起晒泡泡),所以就臭。之後又浸吓鐵針;同埋玩水溝油等。

DSC05538

不過印象最深刻,就有兩個,第一個係沖茶,沖茶,好似好簡單,不過係用凍水,布魯圖之後番屋企試過,凍水沖茶包,真係唔work,不過用「功能水」沖,幾下就沖到,當中牽涉什麼水分子團,太深,唔詳細解釋。

DSC05559

另一個示範,玩點燈,將兩支針放落不同水度,當通電後,燈就會著,同樣以自來水、蒸溜水等輪住試,向來以為水會導電的布魯圖,直到個一刻,先知道原來蒸溜水係唔會通電。

螢幕快照 2015-12-06 上午11.37.46

呢個「功能水」叫AB9,據知主要靠過濾形式,將水變成鹼性、有礦物質、抗氧…bla bla bla,有興趣就去呢度睇啦。