Menu & Search
《有圖先傾》幾千元玩智能家居?

《有圖先傾》幾千元玩智能家居?

智能家居,一個講完又講,講足咁多年的話題,不過講到今時今日,有幾多人的屋企真正智能?布魯圖屋企最智能的「家電」,應該係個Wi-Fi無線router,要成個屋企智能化,其實話難唔難,話易又唔易。


智能家居,一個講完又講,講足咁多年的話題,不過講到今時今日,有幾多人的屋企真正智能?布魯圖屋企最智能的「家電」,應該係個Wi-Fi無線router,要成個屋企智能化,其實話難唔難,話易又唔易。

首先,大家對智能家居如何演譯,識得自動控制屋企所有大小家電?例如窗簾?燈光?冷氣?洗衣機?雖然話好多家電已經有定時系統,但同智能仍然有一大段距離,最重要,一部洗衣機、冷氣、雪櫃等白色家電,閒閒哋用十年八載,好難話換就換,仲點智能?

compare

 

諗來諗去,要快速普及智能家居,最簡單的第一步,就是令所有家電都識「上網」,點上網?智慧插座應該是目前最能解燃眉之急的設計。智慧插座外形似萬能插蘇,內置藍牙及Wi-Fi無線連接功能,當家電插上電源前,先插上智慧插座,就可以令家電成功「上網」,之後就可以利用手機app做到遙距開關,甚至可以計算該家電所使用的電量等等,目前市場上都有類似產品,價格由幾百元起有交易,想玩智能家居,的確可以一試。

005807w6311ztzv613dz1d

之不過,家電並非樣樣都用插蘇,最易諗到就係電燈,所以,近期例如Philips及小米等,都有推出智能燈膽,同樣利用手機app操作,算係解決「非插電類」家電的遙控操作問題,買埋智慧插座,計落亦不過幾千元,點都好過逐部家電換,玩得過。