Menu & Search
都算有街頭風味 食好啲・九龍灣|《羆食堂》 |hogar.hk

都算有街頭風味 食好啲・九龍灣|《羆食堂》 |hogar.hk

都算有街頭風味 食好啲・九龍灣|《羆食堂》 |hogar.hk


好日都唔早返屋企食晚飯,今日撞正兩個姪女嚟咗佢阿爺阿嫲屋企食飯,臨開飯時大嗰個姪女竟然為咗睇電話發爛渣唔食飯!佢阿爺竟然話呢個孫女太過牛冇得教,其實究竟係乜嘢道理?細路女得個幾歲都唔教,唔通等佢定咗型先教,到時仲有得救咩⋯⋯哎呀!費事多事,求求奇奇扒咗兩粒飯,就揸咗架車出去遊走睇下有乜嘢食!聞說啟業邨有好味嘅腸粉,唉……打打殺殺唔好預我,出街食碟腸粉做消夜好過!

 

石磨燒肉腸粉~

唔知點解燒肉同腸粉雖然放埋一齊蒸,但係佢哋好似隔咗一條鴻溝咁,完全格格不入!可能下次試吓叉燒腸會好啲!

 

石磨馬崗鵝肉腸粉~


開頭以為啲鵝肉會同腸粉一齊蒸熟,點知係蒸好咗腸粉之後擺上面頭!鵝肉一啲都唔韌幾好味,但有唔少碎骨,不是我杯茶!

 

石磨冬菇瘦肉雞蛋腸粉~


最接近我係大陸街頭食過嘅腸粉,但係只係接近,味道仲係有一啲距離!佢勝在份量夠味道又唔差,一客已經有兩底腸粉喺度!叫咗三個腸粉呢個覺得最好味!

 



後記:
本來一心諗住同主編朋友搞啲副業,投資啲錢開一啲小食店,呢一種腸粉係其中一樣有諗過開!當時連舖頭名都已經諗埋,無奈香港啲鋪租實在太得人驚,所以計劃一直從來冇實行過!其實只要用心去做,整得好味就算係街市裏邊嘅小食店亦都會有一啲客人走入去幫襯!

* 平均每人消費 $30 . .

 

食好啲|九龍灣啟業道18號啟業村啟業市場