《分域碼頭》|下次去大阪野餐!

  每年4月及11月如果可以的話,L 域總是想在這段時間出外行行,今年3月就去了大阪、京都,行程沒有特別安排去特別的景點,主要都是行下、食下、買唱片,當然仲要去行公園,真係越來越似一個阿伯。 萬博紀念公園 如果計大阪最喜歡的地方,其實萬博紀念公園一定入頭三位每次睇到太陽塔就自然好興奮。更多資料 如果第一次去萬博記得去EXPO 70紀念館,博覽之後留下的音樂館改建而成,館中記錄了當年舉行的萬博的資料,去睇睇如何前瞻又不會財大氣粗的博覽是如何造成 問過好多朋友,原來都無玩過「やったねの木」這條超長滑梯,大人細路都一定玩得開心   如果帶小朋友去,可以去EXPO 70紀念館邊的遊樂場玩,沙上的海盜船係咪好有趣   另一個留下的巨塔噴水池,玩鴨仔水上單車之餘又順便欣賞巨型展品   公園內有大量草地、樹蔭,的而且確係大量,隨著找個地方食出地蓆同食物就可以野餐,我決定下次要準備多少少,去食餐好   EXPOCITY 上年尾在萬博紀念公園對面新開的 EXPOCITY,據說是日本最大的綜合娛樂園區,不過今次沒有預時間,都係留返下次先去。更多資料   nifrel 是一個以生態方式講解的新興動物園  

《分域碼頭》|亞洲亞洲

完結並唔可惜,或者更是一種解脫,等多幾日就有新嘢睇喇…… #ViuTV #Angela應該紅 #亞洲亞洲 【網址】http://www.hogar.hk/column/lric/160402-lf/ ======================== 更多hogar.hk精彩資訊: 【多用途 Bosch Readyy’y二合一無線吸塵機】http://goo.gl/E6H1u1 【小米都出 IH 電飯煲】http://goo.gl/awbHwb 【Sharp 新出潔淨殺蚊空氣清新機】http://goo.gl/X3YD77 【Le Creuset春日糖果色系】 http://goo.gl/CBKtp2

《分域碼頭》 | 怯濕

本來好想寫大阪遊記介紹大家過去行下,不過一返到香港又濕又熱,直頭想原機返過去當自己無返過來算數。既然咁濕,不如分享下點樣可以簡單怯濕。(大阪遊記下星期再寫) 相信大家都好有經驗在香港過春天,那種 100% 的濕度真係想殺人,洗完衫又唔乾,一個唔好彩又落下雨的確好煩。今日就一次過洗晒出門著的衫,放入廁所問個浴室寶集中抽濕,提提大家記得關好窗之外,更加要蓋好個馬筒。 另一個比較麻煩的是電器太濕其實好易壞,尤其是音響(膽機)、電視等,又或者比較多金屬接觸點的產品,電子部分比較易壞,又或者出現接觸點氧化的問題。其實有一個簡單方法,就是只要把那電器著機,只要通電就會有熱力產生,就算 standby mode 亦可以;所以如果濕度太高時不妨開一開機。 通常,衣櫃書架都會最常用一類「吸濕大XX」等產品,但如果想可以環保一點,其實竹炭、白米、粗鹽、火山石、茶葉渣、咖啡渣都可以有吸濕吸味的作用,可自行製作防潮包,而且只要曬乾或烘乾後又可以再用。另外食用梳打粉或洗衣粉都可以吸濕,而且吸濕後梳打粉可加入白醋殺菌去漬,洗衣粉更可直接清洗衣服。 不過無論如何,吸濕機還是最有效的手段,不過都係一句要小心使用,我地不妨重溫一下關於抽濕機的二三事: 【原理、使用、選購、保養】關於抽濕機的二三事

《分域碼頭》 | Facebook Reatcions 你玩到未?

前日 Facebook 正式更新了按讚機制,香港區加入了勁正、哈哈、嘩、慘慘、嬲嬲,雖然對於某人而言可能是一個「災難」,不過相信包括 L 域在內的 FB 用戶而言,應該是一個非常好玩的更新。 而相信今天絕大部份 FB 用戶都已經更新到這功能,在電腦版只要滑鼠移到讚好時上方就會出現新選項,至於手機、平板就只要長按讚好就會出現。好,今日就幫大家測試一下你識唔識用這個這個新功能,就先你當然要入 hogar.hk FB 專頁 ,之後:  如果你識用呢個功能,請按「讚好」  如果你覺得 hogar.hk 都幾正的話,可以按「勁正」  你覺得 hogar.hk 都可以有進步空間,可以按「哈哈」  hogar.hk 內容都中有嘢吸引到你的話,可以按「嘩」  hogar.hk 的確麻麻地,可以按「慘慘」;  其實真係唔覺 hogar.hk 好睇,可以按「嬲嬲」; 無論你選哪一個答案都好,我都要代表 hogar.hk 團隊多謝你,起碼你睇完編文章,好與唔好都會比個回應吖,多謝你!

《分域碼頭》 | 跑唔到

今日係一年一度香港馬拉松的日子,L域有唔少朋友都係跑得之人,而且好多年年都改跑全馬半馬,相比之下只可以用半跑半行下完成 10k 的我,自然唔夠班; 計落都有一整年無認真跑過步,上年跑 10k 之後,腳掌下開始痛,最後原來是筋膜炎,明顯早上起床或坐了一段時間後,起身著地一刻會很痛,所以唯有聽治療師建議暫時停跑; 明顯原因是體重過重同買錯跑鞋所致,要可以再跑自然要先治療好筋膜炎,至於減磅?對於一個為食死肥嘢的確好難攪; 治療筋膜炎放法好多,物理治療會用超聲波、沖擊波來促進血液循環消炎,但其實如果唔嚴重可以做一點強化動作,歐錦棠曾在蘋果日報教過拉筋可以紓緩腳跟疼痛,這動作亦是不少物理治療師建議的動作; 而我就做另一個治療,先用熱水浸腳 10 分鐘,再用潤膚乳塗在腳掌後用腳輕踩小球,透過在腳底輕輕按摩刺激腳弓,用比較硬身大約網球大少的比較好,我就以這方式做了大半年,的確有幫助,如果有同樣問題的你都可以試試; 下星期開始正式踏入「年尾」,hogar.hk 團隊唔係大把錢嘅唔知富幾代,所以都係死死地氣唔可以提早收爐(笑),唯有做一系列新年專輯,以清潔及賀年食品為主題,希望大家喜歡。