依莉詩潛入海底廢棄船嚇餐飽!樂富環保免費鬼屋日夜任你闖| 《依莉詩生活》

萬聖節就快到!如果睇開我 依莉詩 嘅朋友都應該知我年年都會介紹鬼屋,次次都又要驚又要玩!不過今年無時間去 OP 同 迪迪尼,唯有玩住樂富呢間免費鬼屋先啦! 依莉詩潛入海底廢棄船嚇餐飽!樂富環保免費鬼屋日夜任你闖| 《依莉詩生活》 |hogar.hk

長洲 1.5 日單車美食懶人包!食盡 7大小食 + 張保仔洞探險| 《依莉詩生活》

長洲 1.5 日單車美食懶人包!食盡 7大小食 + 張保仔洞探險| 《依莉詩生活》 畢業之後,寧願用多少少錢去澳門、台灣都唔想同人逼。不過上個月餵蚊生日,自己又無假,但想搵個地方輕鬆吓,就決定去玩兩日一夜。原來長洲多咗好多嘢食呢!就等我 依莉詩 分享吓呢 1.5日嘅行程啦!

【情侶自拍攻略】 呃like必備!自拍放閃 10大 必備 Pose

【情侶自拍攻略】 呃like必備!自拍放閃 10大 必備 Pose 玩 Facebook 同 Instagram 都一段時間,不經不覺對食物相同大頭自拍已經零反應,呃 like 愈嚟愈難,女朋友嘅要求亦愈嚟愈高,成日投訴影得佢唔靚,到底可以點呢? 經過上幾次嘅【情侶自拍攻略】同 【10大放閃好去處】 之後,相信大家都掌握咗基本嘅情侶自拍技巧,不過有時對住鏡頭真係唔知擺咩姿勢好呢!今次就等我 依莉詩 畀啲 pose 大家參考下啦! 1) 拖手仔 唔想一開始就閃親大家,就由最基本嘅拖手仔開始啦!當然拖手嘅方法都有好多種,可以單手拖,又可以雙手拖。前面影又得,回頭望亦得。最重要係感覺到兩人之間嘅連繫,比較簡單嘅做法就係企定定係相片中間,兩個人分開少少,突出到中間嘅手。  

跳得愈高愈多免費雪糕!挑戰 12種怪味 五花茶 + Wasabi 軟雪糕 @樂富 | 依莉詩生活

跳得愈高愈多免費雪糕!挑戰 12種怪味 五花茶 + Wasabi 軟雪糕 @樂富 | 依莉詩生活 始終身份唔同咗,最鍾意去商場活動嘅我 依莉詩 無得再話去邊就去邊。不過就發現平時夏日檔期,大小商場都出盡奇招吸客,但今年唔知點解好多商場都唔大搞。論影相位好似得 mcp 嘅小雲 x 龍珠比較新鮮,論互動都係得幾個場有新意。 https://www.facebook.com/eriediary/videos/1009522395817046/ 前幾日我就趁轉工期嘅一日空檔去咗樂富玩啦!而吸引到我去嘅呢~就係 12款怪味雪糕!熊仔餅妙趣、蔗汁味、五花茶味及凍檸茶少甜味聽到都覺得怪!食落就更怪!最緊要係排隊玩遊戲,贏咗就有得免費食啦! 跳得愈高愈多免費雪糕!挑戰 12種怪味 五花茶 + Wasabi 軟雪糕 @樂富 | 依莉詩生活 挑戰雪糕身手,免費食雪糕 呢個世界係無免費午餐嘅,想食免費雪糕除咗要排隊,當然要付出汗水!今次活動有兩個遊戲等你挑戰,比較簡單嘅奇趣跳「糕」機,只要發揮彈跳力係3.5米高嘅跳「糕」機拍下按鈕,拍到幾高就有幾多球雪糕!輕輕鬆鬆就贏到最多 5球雪糕!不過要食怪味雪糕就要更高難道!要係指定距離將巨型健身球球投入籃內,成功「過三關」先得一球呢! ▲ 呢個「雪糕當入樽-籃球九宮格」唔單上考眼界,仲好參體能添!要打得個波高,少啲手力都唔得㗎!玩完真係身水身汗! *星期一至五每日限量 200 球雪糕,星期六及日每日限量500 球雪糕,先到先得,換完即止。  

【5萬呎水產市場登陸黃埔】九號水產 4大食店率先睇 - 蟹痴必掃北海道皇帝蟹|《依莉詩生活》

香港人一向鍾意食日本菜,繼上年灣仔開咗個築地山貴水產之後,黃埔嘅「 九號水產 」亦會係星期五(16/6)初步開幕。5萬呎水產市場入面將會有十幾間日式餐廳,有外賣有堂食,仲有超市同活海鮮等你買番屋企!雖然開幕初段只有 4間食店初步開幕,不過入到去就好似去咗台灣上引水產一樣,充滿濃濃海水味呢!就等我 依莉詩 率先帶大家走一轉吧!

《依莉詩生活》|【周末市集】日本人氣設計師分享心得!紫藤花海下學整燈炮花 +和風髮飾

《依莉詩生活》|【周末市集】日本人氣設計師分享心得!紫藤花海下學整燈炮花 +和風髮飾 女人就係鬼咁多心,行得多商場又想去下市集,市集行到悶悶哋又會行下商場。今次 MCP 新都城中心就同日本最大手創商品網路平台「Creema」合作,係商場內搞和風市集。我 依莉詩 就去咗睇有咩買啦! 《依莉詩生活》|【周末市集】日本人氣設計師分享心得!紫藤花海下學整燈炮花 +和風髮飾 女人就係鬼咁多心,行得多商場又想去下市集,市集行到悶悶哋又會行下商場。今次 MCP 新都城中心就同日本最大手創商品網路平台「Creema」合作,係商場內搞和風市集。我 依莉詩 就去咗睇有咩買啦!   迷上日系手作 紫藤花海下,7大日本人氣設計師同十多個本地手作單位,各自帶咗充滿日系風格嘅服裝、飾品等進行交流。雖然市集規模唔係好大,贏在檔檔賣嘅都唔同,鍾意日系飾品嘅可以去望下呢!   ▲ 日系頭飾幾時睇都咁可愛! ▲ 簡約亦係唔少人響往嘅日系風格呢! ▲ 當喵印在木匙上。 ▲ 小朋友口水肩都好得意! ▲ 日本設計師 Picnic 設計嘅水彩畫風手機榖每個都好特別。  

《依莉詩生活》|【東京】去迪士尼做足準備!東京迪士尼樂園 8大遊玩攻略 – 避過香港同款遊樂設施,玩足全園無難度

香港迪士尼樂園去得多,幾乎合埋眼都識行。難得有機會去到日本,梗係要去東京迪士尼走一轉啦!果然東京迪士尼樂園比香港大得多,仲分開「陸地」同「海洋」,兩日都未必玩唔晒。不過,其實「陸地」部分唔少遊樂設施都熟口熟面,就好似飛越太空山、巴斯光年、小小世界 同 小熊維尼 都一樣有,要把握時間玩到盡,梗係避過香港都有嘅同款遊樂設施啦!正所謂去迪士尼做足準備,就等我 依莉詩 同大家講下出發前有咩要注意啦!

《依莉詩生活》|IKEA 有對手!銅鑼灣 HMV $5 熱狗任加醬汁勁抵食!

《依莉詩生活》|IKEA 有對手!銅鑼灣 HMV $5 熱狗任加醬汁勁抵食! 講到平食熱狗,一定會諗起 IKEA,$10個熱狗餐,對我 依莉詩 呢啲係銅鑼灣嘅打工仔嚟講,真係糧尾好伙伴!但今日竟然比我搵到加平嘅熱狗,$5 有交易,想食豪少少都係 $12 ,仲可以任加醬汁,真係平到嘩嘩聲! 《依莉詩生活》|IKEA 有對手!銅鑼灣 HMV $5 熱狗任加醬汁勁抵食! 芝麻包更香,腸更粗 估唔到 $5 熱狗所在地並唔係茶餐廳,而係銅鑼灣 HMV。繼開完cafe後,今次就係2樓近扶手電梯位置開設熱狗店。位置唔算大,不過都有少量枱凳比大家快快食!當中有兩款熱狗,$5 熱狗用咗法蘭克腸,而 12 熱狗就用咗加拿大芝士腸或者辣味腸。唔單止條腸粗過 IKEA 熱狗,仲有得任加醬汁同配料,真係超抵食! ▲ 不過 $5熱狗只可加茄汁、芥末醬、千島醬同酸瓜醬,但都多款過 IKEA 呢! ▲ 而 $12熱狗就可以加粟米、肉醬、洋蔥同紅黃椒粒。加完熱狗即刻升值幾倍! ▲ 比起前面隻食慣食熟嘅 IKEA 熱狗,$5 熱狗條腸更粗,包更香口呢! ▲講到啲熱狗咁平!但出名平食嘅葵廣,一隻鹹牛肉炒蛋熱狗都要 $23㗎! ▲ 以後又多一個醫肚好地方了! 《依莉詩生活》|IKEA 有對手!銅鑼灣 HMV $5 熱狗任加醬汁勁抵食! HMV Dog 地址:銅鑼灣百德新街 22-36 號名珠城 2 樓 營業時間:11am-9pm  

《依莉詩生活》|【東京】純愛電影浪漫取景地 – 橫濱一日遊!自製合味道杯麵 x 山手西洋館享受異國情調

《依莉詩生活》|【東京】純愛電影浪漫取景地 – 橫濱一日遊!自製合味道杯麵 x 山手西洋館享受異國情調 搭凌晨機雖然好攰,但又超興奮,離開羽田機場,我 依莉詩 就選擇立即出發去處處浪漫場景嘅橫濱!相信追開日劇或者真人版少女電影嘅朋友對呢個地方充滿幻想。無論係日劇《約會~戀愛是甚麼》、《逃避雖可恥但有用》,或是少女電影《狼少女與黑王子》、《L♥DK 鄰居同居》都係橫濱取景。當然!我同餵蚊都要襯呢個機會係浪漫氛圍下好好拍一日拖啦!   交通建議 – 即日來回買一日券 東京出名車費貴,點都要計下數!雖然橫濱距離東京一個鐘車程,不過車費一啲都唔平。所以如果即日來回的話,係新宿 或者 渋谷購買「JR橫濱一日券」比較低,¥1,160 (新宿出發) 或者 ¥860 (渋谷出發) 就包括東京都內 JR各站到橫濱來回各一次同埋 JR根岸線橫濱到新杉田站以及無限次乘坐橫濱市營巴士。而如果由羽田機場出發就可以係國際線客運大樓 2樓接機大堂內買巴士飛 (¥720),半個鐘就直達橫濱。 當然買咗一日券可以無限次搭巴士遊走各個景點,但就算無買都唔使擔心,其實大部份景點同景點間只係五到十分鐘路程,唔太攰的話,慢慢行可以散下心,都幾輕鬆㗎!