2020-07-19
【味道相當一般】 Grill ขุนทอง

今個禮拜疫情爆發第三波情況底下,我哋偉大嘅仆街政府實施晚間食肆宵禁零,六點後唔俾堂食只可以買外賣!搞到我見到好多人踎喺街邊同公園,好似犀利哥咁樣食飯盒!政府行到呢一步,更加肯定本熊少爺由年頭一直推斷係冇錯嘅⋯⋯武漢嗰邊啲病毒源頭,根本係喺實驗室洩漏出嚟嘅生化武器!因為喪屍晚間嘅攻擊能力比起日間強勁!所以用心良苦,叫全港市民夜晚小心啲,盡量唔好出夜街⋯⋯但係日頭飲茶、食飯、喺公園做運動唔戴口罩,係冇問題嘅!因為喪屍病毒日頭係冇咁犀利嘅!

2020-07-12
【麪名都未識讀】 有緣小敍

疫症問題令到今年好多公司嘅生意都一蹶不振,本熊少爺公司亦都唔例外⋯⋯好彩好友趷趷剛公司接到啲生意,我可以過去幫佢手。最近每日都要留守喺中環返工!仲要喺正想當年留下不少腳毛嗰幢大廈附近開工,當年喺西環收工後,一星期總有幾晚會去嘅喜喜、Sugar 都相繼結業!點知沿途行過老蘭,連熟悉的 Volar 都已經不再存在。德己立街成條斜路已經變到面目全非。

2020-06-28
【諗起佢滷味】 燈籠滷味

我哋偉大嘅無能政府,竟然喺今個禮拜大恩大德咁樣,每個香港人可以分到 10 個用完即棄口罩!足足遲左半年先至後知後覺地提供口罩比啲市民。諗起佢老味,真係嬲到我今日晏晝想食 滷味 做晏晝!咁啱本熊少爺出咗去 銅鑼灣 有啲嘢整,走咗去登龍街試下,由台灣登陸香港嘅滷味專門店 燈籠滷味 ,最緊要係我見平時長龍到爆嘅門口,竟然唔係點使排隊,即刻走咗去幫襯!

2020-05-31
【自家製美乃滋】 冇得出街飯聚唯有匿喺屋企自己食自己!

上個禮拜真係唔係為咗偷懶,而唔想寫任何嘢,只要有多少良知嘅香港人,聽見話大陸要先斬後奏實施「港版國安法」,都真係除咗講粗口都唔知可以講乜嘢!今個禮拜琅琅上口嘅一隻歌,就係廿四味同謝霆鋒嘅一首消防員電影嘅主題曲!首歌啲歌詞其實好適合我而家嘅心情!

2020-05-17
【鮮茄焗豬扒飯】 冇得出街飯聚唯有匿喺屋企自己食自己!

今個禮拜,本熊少爺除咗見客之外,都繼續係留喺屋企在 WFH!晚飯時間,諗住簡簡單單煮個西蘭花同煎豬扒、牛扒食意粉!但係熊人仔無端端好堅持地話要食焗豬扒飯⋯⋯ 喺屋企臨時臨急,用有限嘅材料難道會難得到本熊少爺整唔到俾佢食咩?既然佢要食,當然係要為佢做足一百分!整一個味道跟貼出邊快餐店嘅鮮茄焗豬扒飯,俾佢做晚餐!

2020-05-10
【味菜牛柳絲炒麵】 冇得出街飯聚唯有匿喺屋企自己食自己!

今個禮拜,無論網上定係身邊人,都不斷講話《古惑仔》漫畫完結,一個時代嘅終結!更有一啲不嬲冇買港漫嘅身邊人,話點都買本大結局支持下,但對於本熊少爺嚟講,呢本咁嘅垃圾根本完全唔值得我拎$25出嚟,買返屋企嘥地方。雖然呢本漫畫都係伴我成長⋯⋯當年本創刊號仲喺公司個書櫃,完整無缺擺咗喺度!